Matayo 5:10 - KITABU KITAKATIFU

¹⁰ Va veye nobugasu ava kupidzwa kivi kigira ubulungi: kigira ubwami bwomiguiu ni bwavo.

Matayo 5:10 ပူးပေါင်းရင်းမြစ်များ

Zaburi 37:12

Mudamano a lombanga makuva ku mulungi, Na a dyedyeidzanga amino kuye.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Matayo 10:23

Navutswa lwa va mu dambidza mu lidala lilala, mwirukire mu lindi: kigira rnmu volera ligali, Si mu li malilidza amadala ga Israeli, Mwana wa Adamu a ladza.

Matayo 19:14

Navutswa Yesu ya vola, Mu leke avana vakekeke vadze ku inze, mu ta va gaya mba: kigira ubwami bwomigulu bu veye bwa va li ndi.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Marko 10:14

Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Marko 10:30

navutswa a la nyola kalunu, inyinga yiyi hali mia, tsinyumba, navamwavo, na vabotso, navamama, navana, nemilimi, halala nelidambidzwa; kandi mu inyinga yidza a la nyola liva mwoyo li ta hera.

Luka 21:12

Navutswa imbiri wevindu yivi va la mu gumira, kandi va la mu kupidza kivi, va mu zama ku avamasomero kandi mu tsinyumba tsyavahambe, kandi mu la hilwa imbiri wavami navanya mpara kigira lieta lyange.

Luka 22:29

kandi inze mmu vikira ubwami kuli Dada ya mbikira ubwami,

Luka 6:20

Ya henza avegidzwi veve, na a vola, Mu veye nobugasu, mwinye avadaka: kigira ubwami bwa Nyasaye nu bwenyu.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 15:20

Mwidzulitse likuva lya nda mu volera, Mutugwa si a veye munene kuvita wa mutuga. Ni va da mbidza inze, va la dambidza mwinye; ni va gumira likuva lyange, va la gumira lyenyu.

Vikolwa 5:40

Kandi va yanza amakuva gege: lwa va mali kulanga avatumwa imbiri wavo, va va kuya ni va veganehidza va ta vola ku lieta lya Yesu, ni va va leka.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

Vafilipi 1:28

kandi bugira ubutii ku vyosi kigira avasigu: kuvo likuva yili li veye kiloleru kyeligali kyelidiva, navutswa ku mwinye kyelihonnywa, nalyo litwula ku Nyasaye.

2 Timoteo 2:12

ni ku saliridzwa, kandi ku lameha halala naye: ni ku mwambakana, naye a la kwambakana;

2 Timoteo 3:11

nelidambidzwa lyange, nobusaliri bwange: ivindu vya ngwira mu Antiokia, nomu Ikonio, nomu Lustra, tsing'ano tsyelidambidzwa tsya ndi kudzera mu: kandi Mwami ya mbonnya ni ya ntwulidza mu tsyosi.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.