Matayo 4:4 - KITABU KITAKATIFU

⁴ Navutswa ya tivula na a vola, Ga ng'odeywi, Avandu si va nyala kuva mwoyo nobukima bweng'ine, navutswa namakuva gosi aga twula mmunwa gwa Nyasaye.

Matayo 4:4 ပူးပေါင်းရင်းမြစ်များ

Kutwula 16:15

Na lwa avana va Israeli va ki lola, va tevana avene na avene, Ni kindu ki yiki? Kigira si va manya ni kindu ki. Na Musa ya va volera, Nobukima bwa Yahova a mu heye, mu lagire.

Kutwula 16:35

Na avana va Israeli va lagira mana mihiga makumi gane, kuduka inyinga va duka mu kivala ki veye navandu; va lagira mana, kuduka inyinga ya vingira mu tsinzako tsye kivala kya Kanani.

Kutwula 16:8

Na Musa ya vola, Ga la va ndiyo, lwa Yahova a li mu ha inyama mgolova kulia, na mugamba ha la va nobukima kuduka mwigute; kigira uyu Yahova a huliranga limonya lyenyu lya mu mu monyanga: na kwinye ku veye ibwaha? Limonya lyenyu si li veye ku kwinye mba, navutswa li veye ku Yahova.

Kutwula 23:15

Mu la lomba lilia lyobukima bu ta li na mamera: madiku gatano na gaviri u la lagira ubukima bu ta li na mamera, kuli nda ku laga, mu inyinga ya tovolwa mu mweli gwa Abibu (kigira mu yigu wa twula mu Egepeti); kandi ha ta va nomundu u loleka imbiri wange vutswa:

Matayo 15:11

Si ki li kingira mmunwa ki nyala kukola mundu mudamano; navutswa vi twula mmunwa, yivi vi kola mundu mudamano.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Matayo 4:7

Yesu ya mbolera, Kandi ga ng'odeywi, U ta geridza Mwami Nyasaye wowo mba.

Marko 7:20

Kandi ya vola. Vi twula mu mundu vi nyala kumukola mudamano.

Luka 4:12

Yesu ya tivula, na a mu volera, Ga volwa, U ta geridza Mwami Nyasaye wowo.

Luka 4:4

Yesu ya mu tivulira, Ga ng'odwa, Mundu si a nyala kuva mwoyo nobukima bweng'ine mba.

Luka 4:8

Yesu ya tivula na a mu volera, Ga ng'odwa, U sigamire Mwmi Nyasaye wowo, u mu tumekire yeng'ine.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 6:63

Ni roho gu haana livamwoyo; inyama yomubiri si i konya kindu: amakuva ga mmu voleye ga veye roho, kandi livamwoyo.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

Vafeso 6:17

Kandi mu vugule igudwa yobuhonnyi, kandi kivavi kya Roho, nakyo ki veye likuva lya Nyasaye:

Kwidzulitsa 8:3

Na a ku kola kwegehidza, ya ku leka nenzala, ya ku lageridza maana, kindu kya wa vula kumanya, kinga vaguga vovo si va ki manya; a duke kukumannya, mundu si a nyala kuva mwoyo nobukima bweng'ine, navutswa ku makuva gosi ga twula mmunwa gwa Yahova mundu a veye mwoyo.