Matayo 4:24 - KITABU KITAKATIFU

²⁴ Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya.

Matayo 4:24 ပူးပေါင်းရင်းမြစ်များ

2 Samweli 8:6

Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

1 Avami 10:1

Na lwa mwami wekikali wa Sheba ya hulira loyali lwelidzominywa lya Solomoni kigira lieta lya Yahova, mwene yadza kumugeridza na mateva madinyu.

1 Avami 4:31

Kigira ya li wobugeeri kuvita avandu vosi; kuvita Ethan Muezara, na Heman, na Kalikoli, na Darida avana va Maholu: nelidzominywa lilye lya duka ku tsihiri tsyosi tsya mu kumbiridza tsimbega tsyosi.

1 Kyetsinyinga 14:17

Noluyali lwa Daudi lwa landa kuduka mu vivala vyosi; na Yahova ya leta litihidza lilye ku tsihiri tsyosi.

1 Kyetsinyinga 29:2

Henza, inze nombi nobunyali bwange bwosi vindu vyenyumba yiyi ya Nyasaye wange, ithahabu yevindu vyethahabu, na ifetha yevindu vyefetha, na mugasa gwevindu vyomugasa, na kivya kyevind u vyekivya na misala gyevind u vyemisala, na magina ga iberulo, na magina gokuvikwa, na magina gekibaala, na magina gamagondo lugano, na magina gobuguli budinyu ku tsing'ano tsyosi, na magina malavu ligali manyingi.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Matayo 12:22

Hene yaho va mu letera welidemone lya gumira, mboku nedimbidi: na a mu honnya, nedimbidi ya luha na a vola na a lola.

Matayo 14:1

Inyinga yeyo Herodi mtetrarka ya hulira amakuva ga Yesu,

Matayo 15:22

Henza, mkali Mukanani wekivala yikyo yanira na a vola, U mbere tsimba basi, Mwami, mwana wa Daudi; lidemone li kupidza kivi munonono mwana mkana wange.

Matayo 17:15

Mwami, u vererere mwana wange: kigira a veye nendulume, kandi a salira muno; kigira kanyingi a gwa mu muliru, na kanyingi mu madzi.

Matayo 17:18

Yesu ya li gaya; nelidemone lya twula kuye: na muyai ya hona inyinga zana yeyo.

Matayo 4:23

Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu.

Matayo 8:28

Lwa ya duka engereka mkivala kya Vagadara, avandu vaviri avamademone ga gumira, va vugana naye, va twula mbilindwa, va li avalulu ligali, kali mundu si ya nyala kuvita ku inzira yeyo.

Matayo 8:33

Avayi viruka ni va tsia mu lidala, ni va vola vyosi, na makuva ga va mademone ga gumira.

Matayo 8:6

na a vola, Mwami, mutumwa wange u goni mu inyumba a lwalanga, u fwogoyi, a saliranga ligali.

Matayo 9:26

Lukumi lwemiyinzi yikyi lwa landa mu kivala yikyo kyosi.

Matayo 9:35

Yesu ya vodonkana mu madala gosi na mu tudala na yegidza mu masomero, ni yilwadza ivangeli yobwami, na a honnya tsinkudzo tsyosi nobudekeranu bwosi.

Marko 1:28

Nonoho bukumi bwibwe bu landa mu kivala kyosi kya li himbi Galilaya.

Marko 1:32

Mgolova liuva lwa lya yera, va mu letera avakvaye vosi, na va mademone ga gumira.

Marko 2:3

Vadza ni va mu letera mundu wa fwogoya, ni va mu ginga avandu vane.

Marko 2:4

Lwa va vula kwisunda kuye himbi, kigira avandu va li vanyingi, va veta ha kisegese ha bulungi ha ya li, lwa va mala ki kuhudula, vikidza kitali kya wa fwogoya ya gona ku.

Marko 2:9

Ki veye kyangu ni ki li ha kuvolera wa f wogoya, Ubwoni bubwo bu sameheywi; naho kuvola, Singira, u ginge kitali kikyo, u gende?

Luka 2:2

Nalyo lya li ling'oda lyokutanga, inyinga Kwirinio ya li mwami wa Siria.

Luka 4:14

Yesu yirana netsingulu tsya Roho kutsia Galilaya: ubukumi bwi bwe bwa landa mu tsimbega tsyosi tsyekivala kya himbi.

Luka 4:38

Ya twula mu lisomero ni yingira mu inyumba ya Simoni. Navizala wa Simoni ya li na a gumeywi uluhuudza lunene, ni va mu saala kigira uyu.

Luka 5:15

Navutswa amakuva gege ga kira kulanda; na viduma vinyingi vya vugana kumu hulira nokuhonnywa tsinkudzo tsyavo.

Luka 5:24

Navutswa mu duke kumanya Mwana wa Adamu a veye netsingulu mu lirova kusameha ubwoni (ya volera wa fwogoya), Nku volera, Singira, u vugule kitali kikyo, u tsie yengo wowo.

Luka 7:17

Amakuva gege yaga ga landa mu kivala kyosi kye Buyuda nomu vivala vyosi vya himbi.

Yohana 10:21

Avandi va vola, amakuva yaga si ga li amakuva ga mundu a veye nelidemone. Lidemone li nyala kukunula tsimoni tsyavaboku.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 15:23

ni va ng'oda mu makono gavo ndi: Avatumwa navakulundu navamitu, ibarull a yetu ku vamitu ve Tsihiri tsya Antiokia na Siria na Kilikia, mirembe.

Vikolwa 15:41

Naye ya vita mu Siria na Kilikia na a luviridza mavugana.

Vikolwa 28:9

Yaga lwa ga kolwa, avandi ava li nobu lwaye mu kisulu vadza ni va honnywa:

Vikolwa 8:7

Kigira roho midamano gya twula mu vanyingi, ni gyi hanzuka ni gyi lira: navanyingi va fwogoya, na va leema, va honnywa.

Joshua 6:27

Ni ndiyo Yahova ya li halala na Joshua; lidzominywa lilye lya landa mkivala yikyo kyosi.