Matayo 4:23 - KITABU KITAKATIFU

²³ Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu.

Matayo 4:23 ပူးပေါင်းရင်းမြစ်များ

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 74:8

Va vola mu mwoyo gwavo, Ku vononnye ligali: Va sambi hokuvugana hosi ha Nyasaye ha veye mu kivala.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 12:9

Ya twula ho ni yingira mu lisomero lyavo.

Matayo 13:19

Mulala lwa a hulira likuvalyobwami, na a vula kulimanya, mudamano yadza na a mu nyaga yili lya a ve kumidzwa mmwoyo gwigwe. Uyu niye wa midzwa ku inzira ha luvega.

Matayo 13:54

Na lwa a duka mu kivala kikye ya vegidza mu lisomero lyavo va duka va genya ni va vola, Mundu uyu ya twulidza ha li ha ubugeeri yibu nemiyinzi gyetsingulu yigyi?

Matayo 14:14

Ya twula mbwato na a lola kiduma kinene, na a va vera tsimbabasi, na a va honnyira avalwaye vavo.

Matayo 24:14

Kandi amakuva malahi yaga gobwami ga lilwadzwa mu lirova lyosi ga ve kilolekidzu ku tsihiri tsyosi; ma kiheri ki la duka.

Matayo 3:2

Mweganire; kigira ubwami bwomigulu bu veye himbi.

Matayo 9:35

Yesu ya vodonkana mu madala gosi na mu tudala na yegidza mu masomero, ni yilwadza ivangeli yobwami, na a honnya tsinkudzo tsyosi nobudekeranu bwosi.

Marko 1:14

Kandi Yohana lwa ya mala kuzamwa, Yesu yadza Galilaya ni yilwadza ivangeli ya Nyasaye,

Marko 1:21

Ni va tsia Kapernaume, kandi nonoho ku lidiku lyelisabato yingira mu lisomero ni yegidza.

Marko 1:39

Na a tsia ni yingira mu masomero gavo ga li mu Galilaya mwosi, ni yilwadza na a twulidza amademone.

Marko 3:10

Kigira ya honnya vanyingi; ni va mu mina va duke kumudira, vosi va li ni va veye netsinkudzo.

Marko 6:2

Lwa lisabato lya duka, ya tanga kwegidza mu lisomero: navanyingi va mu hulira ni va genya, ni va vola, Mundu uyu a twulidza ha li ha vindu yivi? Kandi, yibu nubugeeri ki bwa a hebeywi? Kandi kigira ki miyinzi minene ndi gyi koleywi nemikono gyigye.

Marko 6:6

Ya genya kigira va vula kusuuvira. Na a vodonkana mu madala ni yegidza.

Luka 10:9

kandi mu honnye avalwaye ava veye mu, kandi mu va volere, Ubwami bwa Nyasaye bwisundi himbi ku mwinye.

Luka 13:10

Ya li ni yegidza mu lisomero lilala lyavo ku lidiku lyelisabato.

Luka 16:16

Lilaga navaprofeti va li ho kuduka inyinga ya Yohana: kutwula inyinga yeyo ivangeli yobwami bwa Nyasaye yilwadzwa, navandu vosi vingira mu netsingulu.

Luka 20:1

Ku lilala ku madiku zana, lwa yegidza avandu mu litempeli, ni yilwadza ivangeli, vadza kuye avasalisi vanene navang'odi halala navakulundu;

Luka 4:14

Yesu yirana netsingulu tsya Roho kutsia Galilaya: ubukumi bwi bwe bwa landa mu tsimbega tsyosi tsyekivala kya himbi.

Luka 5:17

Lidiku lilala ku madiku yago ya li ni yegdza: li ho Avafarisayo navegidzi ve lilaga ni vikaye, ava twula mu tudala twosi twe Galilaya ne Buyuda ne Yerusalemi: kandi tsingulu tsyo Mwami tsya li kuye kuhonnya.

Luka 6:17

Ya sulunguta navo, na a singira mu kiguti, nekiduma kinene kyavegidzwi veve, navandu vanyingi va twula Buyuda bwosi ne Yerusalemi nomu kivala kya Turo na Sidon ku luginga lwenyanza, vadza kumuhulira nokuhonnywa tsinkudzo tsyavo;

Luka 6:6

Kandi ku lisabato lindi, yingira mu lisomero ni yegidza: ya li mu mundu wa ng'era mukono mulungi.

Luka 7:21

Ku isaa yeyo ya honnya vanyingi ubulwaye nobusaliri na roho midamano; navaboku vanyingi ya va ha lilola.

Luka 7:22

Ma ya tivula na a va volera, Mu tsie kuvolera Y ohana amakuva yaga ga mu loli na ga mu huliye; avaboku va hebwa lilola, navaleema va gendanga, navagere va takaswa, navahana amatu va huliranga, navakudzu va sirnuguki dzangwa, navadaka vilwadzirangwa amakuva malahi.

Luka 8:1

Inyima wa yaga hakekeke, ya gendagenda rmu madala nomu tudala, ni yilwadza na a leta amakuva malahi gobwami bwa Nyasaye, kandi ava li likumi na vaviri va li halala naye,

Luka 9:11

Navutswa viduma vya manya ni vi mu londa: kandi ya va bugirira, na a va volera gobwami bwa Nyasaye, na a honnya ava li nobudaka bwelihonnywa.

Luka 9:60

Navutswa ya mu volera, Leka avakudzu va te avakudzu vavo; navutswa ive u tsie kwilwadza ubwami bwa Nyasaye.

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 6:59

Vindu yivi ya volera mu lisomero lwa ya li ni yegidza avandu mu Kapernaume.

Yohana 7:1

Inyima yevindu yivi Yesu ya vaya mu Galilaya: kigira si yenya kuvaya Buyuda, kigira Avayuda venya kumwiita.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 18:4

Ya vola mu lisomero masabato gosi na a girunkannya myoyo gya Vayuda na Vagreki.

Vikolwa 20:25

Kandi kalunu henza, mmanya mwinye mwosi ava mbo donkana mu ni nzilwadza ubwami si mu li ndola kandi tsimoni tsyange.

Vikolwa 28:31

ni yegidza amakuva go Mwami Yesu Kristo nobuluviriri bwosi, si ha li nowa mu gaya.

Varumi 10:15

Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.