Matayo 3:2 - KITABU KITAKATIFU

² Mweganire; kigira ubwami bwomigulu bu veye himbi.

Matayo 3:2 ပူးပေါင်းရင်းမြစ်များ

1 Avami 8:47

navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

Ayubu 39:12

U la suuvira i la leta ubugutsa bubwo mu inyumba, Nokuvungidza ubuswage bwolodze lulwo?

Ayubu 42:6

Kunangwa kigira yaga inze nzedunyira Na nzeganira mu lugukyi nomu ligoke.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Matayo 10:7

Lwa mu genda, mwilwadze, mu vole, Ubwami bwomigulu bu veye himbi.

Matayo 11:20

Hene yaho ya tanga kulemba madala aga gya kolwa mu miyinzi gyigye minene minyingi, kigira si geganira.

Matayo 12:41

Avandu va Nineve va la singira mkyina halala nelikula yili navo va la li kalagira: kigira veganira ku lilwadza lya Jona; navutswa henza, munene kuvita Jona a veye hano.

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Matayo 13:24

Kandi ya kupa lugano lundi, na a va volera, Ubwami bwomigulu bu fwanana nomundu u midza bugutsa bugasu mmulimi gwigwe:

Matayo 13:31

Ya va kupa lugano lundi, na a vola, Ubwami bwomigulu bu fwanana nolugutsa lwelisatsi, lwomundu ya vugula na a taga mu mulimi gwigwe:

Matayo 13:33

Ya va kupa lugano lundi; Ubwami bwomigulu bu fwanana namamera gomkali ya vugula na a ga visa mu migero gyivaka gyobusie bwa luha ni bu gwa mamera bwosi.

Matayo 13:47

Kandi, ubwami bwomigulu bu fwanana nomuluvo gwinikwa mu inyanza, ni gu vugula tsisudzi ku tsing'ano tsyosi:

Matayo 13:52

Naye ya va voiera, Yiki ni kigira ku mung'odi samulala u koleywi mwegidzwi mu bwami bwomigulu, a veye kuli mundu mwene inyumba, a twulidza mu kiba yeye vindu vihya na vindu vikulu.

Matayo 18:23

Kigira yaga ubwami bwomigulu bu fwananywa nomwami mulala wenya kuvalidza magovi gavatugwa veve.

Matayo 20:1

Kigira ubwami bwomigulu bu fwanana nomundu mwene inyumba, wa twula mugamba tsuri kwenya avayinziri vekizabibu kikye.

Matayo 22:2

Ubwami bwomigulu bu fwanana nomwami mulala wa kolera mwana wewe kiserero.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 25:1

Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi.

Matayo 25:14

Kigira ga fwana kuli mundu u tsia mu kivala kindi, na a langa avatugwa veve, na a va ha vindu vivye ku vi linda.

Matayo 4:17

Kutwula inyinga yeyo Yesu va tanga kwilwadza na a vola, Mweganire; kigira ubwami bwomigulu bu veye himbi.

Matayo 4:23

Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu.

Matayo 5:10

Va veye nobugasu ava kupidzwa kivi kigira ubulungi: kigira ubwami bwomiguiu ni bwavo.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Matayo 6:10

Ubwami bubwo budze. Ubulaliri bubwo bu kolwe mu lirova muno kuli bu kolwa migulu.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Marko 1:15

na a vola, Inyinga i duki, nobwami bwa Nyasaye bu veye himbi: mweganire, mu suuvire ivangeli.

Marko 1:4

Yohana yadza, wa batidza mwigendanyama, ni yilwadza libatidza lyelyeganira kuduka ku busamehi bwobwoni.

Marko 6:12

Ku, va twula ni vilwadza ni va vola, avandu veganire.

Luka 1:16

Avanyingi ku vana va Israeli a la va girunkannya a va yekidze ku Mwami Nyasaye wowo.

Luka 11:20

Navutswa inze ni mba ni ntwulidza amademone nekidete kya Nyasaye, ubwa mi bwa Nyasaye bu mali kuduka ku mwinye.

Luka 13:3

Inze mmu volera, Si ga li ndiyo: navutswa ni mu teganira, mwinye vosi mu la kudza ndiyo.

Luka 13:5

Inze mmu volera, Si ga li ndiyo: navutswa ni mu teganira, mwinye vosi mu la kudza ndiyo.

Luka 15:10

Kandi ndiyo mmu volera, Bu veye ho ubuyanzi imbiri wetsingelosi va Nyasaye kigira mwoni mulala weganira.

Luka 15:7

Mmu volera, Bu la ka ve ubuyanzi ndiyo migulu, kigira mundu mulala mwoni weganira, kuvita bwa vandu avalungi amakumi gatanu na gane navandu vatanu na vane ava ta li nobudaka bwelyeganira.

Luka 16:30

Naye ya vola, Auwa, dada Abrahamu: navutswa mundu na a twula mu vakudzi na a tsia kuvo va leganira.

Luka 21:31

Kandi ndiyo mwinye lwa mu li lola vindu yivi vi kolangwa, mu manye ubwami bwa Nyasaye bu veye himbi.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 6:20

Ya henza avegidzwi veve, na a vola, Mu veye nobugasu, mwinye avadaka: kigira ubwami bwa Nyasaye nu bwenyu.

Luka 9:2

Kandi ya va tuma kwilwadza ubwami bwa Nyasaye, nokuhonnya avalwaye.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

2 Vakorintho 7:10

Kigira liverera lyokuyeka ku Nyasaye li kola lyeganira kuduka ku lihonnywa, kigira li veye lyeganira li ta veye neliverera: navutswa liverera lyomukivala li leta likudza.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

2 Timoteo 2:25

a ve nobuho kya mu lyeganehidza avahing'ana; mbula Nyasaye a va he lyeganira kuduka ku limanya ageligali,

Vahebraina 6:1

Kigira yaga ku leke likuva lyokutanga lya Kristo, kwisunde imbiri kuduka ku budukiru; ku ta tema kandi muse gundi gwelyeganira kutwula ku miyinzi mikudzo, nogwelisuuvira ku Nyasaye,

2 Petro 3:9

Mwami si ya lindagira mu lisuuviridza lilye, kuli avandi va vola lilindagira; navutswa yikudzira ku mwinye, kigira si yenya mundu mulala a dive, navutswa yenya vosi va duke ku lyeganira.

Likunula 2:21

Kandi nda mu ha inyinga a duke kweganira; naye si yenya kweganira nokuleka litsia mbakana.

Likunula 2:5

Kigira yaga widzulitse ha wa twula ni waguluka, nokweganira wirane kukola miyinzi gyembiri; kinga ndadza ku ive, nokutwulidza kinara kikyo kyetsitaya ha ki veye nu u vula kweganira