Matayo 3:11 - KITABU KITAKATIFU

¹¹ Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Matayo 3:11 ပူးပေါင်းရင်းမြစ်များ

Isaya 4:4

lwa Yahova a mali kwogidza ubudamano bwavakana va Zioni, nokutwulidza amasahi ga Yerusalemi hagati halyo, na roho gwelikalaga bulungi, na roho gwelisamba.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 3:6

ni va tsia ku Yohana na a va batidza mmugera gwa Yordani, vivuula ubwoni bwavo.

Marko 1:4

Yohana yadza, wa batidza mwigendanyama, ni yilwadza libatidza lyelyeganira kuduka ku busamehi bwobwoni.

Luka 1:17

A limira imbiri wewe mu mwoyo nomu tsingulu tsya Elija, a giru nkannye myoyo gyavadada ku vana, kandi a vike avatingu mu bugeeri bwavalungi; kutegekera Mwami ava ndu avalombwa.

Luka 3:16

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Luka 3:3

Ya duka mu tsimbega tsyosi tsya li himbi Yordani, ni yilwadza libatidza lyokweganira lyokuduka kusamefwa ubwoni.

Yohana 1:15

Yohana a lolekidza kuye, na a gamba, na a vola, Uyu niye wa nda mu volera, Uyu udzanga inyima wange u gwiye imbiri wange: kigira ya li imbiri wange.

Yohana 1:30

Uyu niye wa nda mu volera, Inyima wange yadza mundu u gwiye imbiri wange: kigira ya li imbiri wange.

Vikolwa 1:5

kigira Yohana ya batidza na madzi; navutswa mwinye mu la batidzwa mu Roho Mutakatifu inyima ya madiku makekeke.

Vikolwa 19:4

Kandi Paulo ya vola, Yohana ya batidza nelibatidza lyokweganira, na a volera avandu va suuvire uyu u li mu londa, naye niye Yesu.

Vikolwa 8:36

Navo lwa va li va genda ku inzira va duka ha madzi malala: kitsiri ya vola, Henza amadzi; amakuva ki ga ngayidza nta batidzwa?

Vikolwa 8:38

Ya haana munwa ligari li singire: navo vombi vika mu madzi, vombi Filipu na kitsiri; na a mu batidza.

1 Vakorintho 12:13

Kigira kwosi kwa bati dzwa mu Roho mulala ku duke kuva mubiri mulala, ni ku veye Avayuda naho Avagreki, naho avatugwa, naho avaboholole; kwosi kwa nwehidzwa ku Roho mulala.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.