Matayo 28:6 - KITABU KITAKATIFU

⁶ Si a veye hano mba; kigira u simuguki, kuli wa ya vola. Hambi mu lole ho Mwami ya gona.

Matayo 28:6 ပူးပေါင်းရင်းမြစ်များ

Matayo 12:40

Kigira kuli Jona ya li mmunda mwesudzi inene amadiku gavaka; kandi Mwana wa Adamu a la va ndiyo amadiku gavaka mmwoyo gwelirova.

Matayo 16:21

Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

Matayo 17:23

va la mwiita, kandi ku lidiku lya gavaka a la simugukidzwa. Navo va verera muno.

Matayo 17:9

Lwa va sulunguta kutwula mu kigulu, Yesu ya veganehidza na a vola, Mu ta volera mundu kali mulala, kya mu loli, Mwana wa Adamu a luhe a simuguke mu vakudzi.

Matayo 20:19

na va mu vike mu makono ge Tsihiri va duke kumukolera kihenyahenye nokumukuya nokumubamba: ku lidiku lya gavaka a la simugukidzwa.

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Marko 16:6

Ya va volera, Mu ta genya mba: mwenya Yesu Munazareti, wa bambwa. U simuguki; si a veye hano mba: henzi ha va mu vika.

Marko 8:31

Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Luka 24:12

Navutswa Petro ya singira na a nyagula kuduka ha kilindwa; ni yinama na a henza mu, na a lola tsingubo tsyakatani tsyeng'ine; na a twula kutsia yengo wewe, na a genya vya kolwa.

Luka 24:23

kandi lwa va vula kulola mubiri gwigwe; vadza ni va vola, va loli tsingelosi va loleka kuvo, ava vola, A veye mwoyo.

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Yohana 10:17

Yiki ni kigira Dada a nyanza, kigira inze mbaana livamwoyo lyange nduke kuligumira kandi.

Yohana 2:19

Yesu ya tivula na a va volera, Mwononnyi litempeli yili, na inze nda li singeridza ku madiku gavaka.

Vikolwa 2:24

wa Nyasaye ya simugukidza, na a mu boholola mu busaliri bwelikudza: kigira si lya nyalika likudza kudinya kuye.