Matayo 27:4 - KITABU KITAKATIFU

⁴ na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

Matayo 27:4 ပူးပေါင်းရင်းမြစ်များ

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

2 Avami 24:4

kandi kigira masahi ga ta li nekindu ga ya tahidza; kigira yizulitsa Yeru salemi namasahi ga ta li nekindu: na Yahova si ya bugirira kusameha mba.

Ayubu 13:4

Navutswa mwinye mu veye avakongi vamakuua gobubehi; Mwinye mwosi mu veye avetsinyasi va ta veye nobukonyi.

Ayubu 16:2

Inze mbuliye makuva manyingi kuli yaga: Mwinye mwosi mu veye avaleminyi avakupidza kivi.

Zaburi 94:21

Vevungidza halala kuvukira mwoyo gwomulungi Nokuvika mahyolo ku wamasahi ga ta li nekindu.

Kutwula 12:31

Naye ya langa Musa na Haruni mu budiku, na a vola, Mu vuke, mu twule hagati ha vandu vange, mwinye na avana va Israeli; mu tsie kutumekira Yahova kuli mu voye.

Kutwula 9:27

Na Farao ya tuma na a langa Musa na Haruni, na a va volera Nkoli ubwoni inyinga yiyi: Yahova a veye mulungi, na inze na avandu vange ku veye avadamano.

Tsing'ano 12:8

Mundu a lidzominywa kuli kigero kyobugeeri bwibwe; Navutswa uyu womwoyo gwobukyamu a la legwa.

Jeremia 26:15

Navutswa mu manye ligali, ni mu va ni mu nziita, mu la leta masahi ga ta li nekindu kugo ku mwinye avene, noku lidala yili, noku avamenyi mulyo; kigira ligali Yahova a ntumi ku mwinye kuvola makuva yaga gosi mu amatu genyu.

Jona 1:14

Kunangwa vanira Yahova, ni va vola, Ku ku saala, O Yahova, ku ku saala, kwinye ku ta diva kigira livamwoyo lyomundu uyu, kandi u ta vika ku kwinye amasahi ga ta li nekindu; kigira ive, O Yahova, u koli kuli u yanza.

Matayo 27:19

Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye.

Matayo 27:54

Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

Luka 23:22

Naye ya va volera hali kavaka, Kigira ki? Mundu uyu a kola ubudamano ki? Si ndola kindu kuye ki dukana nelikudza: kigira yaga nda mu kuya ma mmu boholole.

Luka 23:41

Na ligali ga ku dukira kwinye; kigira kwinye ku koleywi ki dukana nemi yinzi gyetu: navutswa mundu uyu si ya kola kindu kidamano mba.

Luka 23:47

Munyampara, lwa a lola aga kolwa, yidzominya Nyasaye, na a vola, Ligali uyu ya li mundu mulungi.

Yohana 19:7

Avayuda va mu tivulira, Kwinye ku veye nelilaga, kandi ku lilaga zana nu bulahi a kudze, kigira yekola Mwana wa Nyasaye.

Vikolwa 13:28

Kandi kali va vula kulola kuye kindu kyokumwiitira va saava Pilatu, yiitwe.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

Tito 1:16

Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

Likunula 11:10

Kandi yava ava menya mu lirova va yanza kuvo, nokusangala; kandi va haa nirana vihaanwa avene navene; kigira avaprofeti vaviri yavo va li va saliridza ava menya ku lirova.

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.

1 Samweli 19:5

kigira uyu ya vika livamwoyo lilye mmukono gwigwe mwene, na yiita Mufilisiti, na Yahova ya kolera Israeli vosi ubuhonnyi bunene: ive wa lola inkuva yiyi, na wa sangala; kunang va ni kindu ki kalunu ive wenya kukola ubwoni ku masahi ga ta veye nekindu, nokwiita Daudi bugira kivune?