Matayo 27:30 - KITABU KITAKATIFU

³⁰ Ni va mu tudzira amate, ni va vugula lusi, ni va mu kuya ku mutwe.

Matayo 27:30 ပူးပေါင်းရင်းမြစ်များ

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 50:6

Nda haana mugongo gwange ku yava vakuyi, na tsisaya tsyange nda sunda ku yavo ava manyula tsinderu tsyange: si nda visa mmoni mwange ku kihenyahenye nokutudzirwa amate.

Isaya 52:14

Kuli avanyingi va ku genyera (mumoni mwimwe mwoneka kuvita avandu vosi, na ligondo lilye lya li ni liyoneki kuvita avana va vandu),

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Isaya 53:7

Ya dambidzwa, navutswa lwa ya saliridzwa si ya kunula munwa gwigwe; kuli mwana weligondi ya hilwa kwiitwa, kandi kuli ligondi li kiring'ana imbiri wa yavo ava kalaganga bwoya, si ya kunula munwa gwigwe mba.

Mika 5:1

Mwami welirova lyosi. Kalunu u li vungidza viduma, O mukana weviduma; uyu u ku kumbiridza nelihe lilye: va la kuya mukalagi wa Israeli nempimbo ku lusaya lwilwe.

Matayo 26:67

Hene yaho va mu tudzira amate mmoni mwimwe, ni va mu duya netsinkundi; avandi va mwala tsinzasaya tsitsye,

Marko 10:34

na yava va la mu seka, nokumutudzira amate, nokumuduya, nokumwiita; na inyima ya madiku gavaka a la simuguka kandi.

Marko 14:65

Valala va tanga kumutudzira amate, nokumukunika tsimoni, nokumuduya, nokumuvolera, Profeta: kandi avasikari va mu vugula ni va mwala ne tsimpya tsyavo.

Marko 15:19

Ni va mu nweka ku mutwe nolusi, ni va mu tudzira amate, ni va mu sigamira kumwidzominya.