Matayo 27:24 - KITABU KITAKATIFU

²⁴ Pilatu lwa ya lola si ya nyala kukola kindu, navutswa liyoga lyenya kukira, ya vugula amadzi ni yisaava makorlo gege imbiri wekiduma, na a vola, Si mbeye na kindu ku masahi gomundu mulungi uyu, mwelolere mwinye avene.

Matayo 27:24 ပူးပေါင်းရင်းမြစ်များ

Zaburi 26:6

Ndisaava makono gange mu liva bugira kindu ku inze: Na ndiyo nda vodonkana ubwali bubwo, O Yahova;

Jeremia 2:27

yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

Jeremia 2:35

Ive wa vola, Si nda hyola mba; ligali ubutima bwibwe bu girunkamlyevwi bu vule kuva ku inze. Henza, ndingira mu likalagirwa halala nive, kigira ive u vola, Si nda kola bwoni mba.

Matayo 26:5

Navutswa va vola, Ga ta va inyinga yelilia, gase liyoga li la twula mu vandu.

Matayo 27:19

Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye.

Matayo 27:23

Naye ya vola, Kigira ki, a koli tsimbi ki? Navo va kira kukola liyoga, ni va vola, bambwe.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

Matayo 27:54

Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

Matayo 27:9

Hene yaho ga duka amakuva ga Jeremia muprofeti ya vola, na a vola, Va vugula vidonye makumi gavaka vyefetha ubuguli bwomundu wa gulidzwa, ava mu gulidza ku avana va Israeli

Yohana 13:9

Simoni Petro ya mu vo lera, Mwami, u ta savidza virenge vyange vyeng'ine navutswa kandi amakono gange nomutwi gwange.

Yohana 19:4

Pilatu ya tsia kyova kandi, na a va volera, Henzi, uyu iye mmu letera kyova, mu duke kumanya si ndola kindu kuye.

Vikolwa 3:14

Navutswa mwinye mwambakana uyu Mutakatifu no Mulungi, kandi mwinye mwenya mu hebwe mulumindi,

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.