Matayo 26:55 - KITABU KITAKATIFU

⁵⁵ Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Matayo 26:55 ပူးပေါင်းရင်းမြစ်များ

Matayo 21:23

Lwa ya mala kuduka mu litempeli, avasalisi vanene navakulundu vavandu vadza kuye lwa yegidzanga, ni va vola, Ive u kola vindu yivi netsingulu ki? Kandi ibwaha wa ku ha tsingulu yitsi?

Matayo 26:47

Lwa ya li na a ki vola, henza, Yuda, wa li mulala ku va li likumi na vaviri, yadza halala nekiduma kinene ava li nevivavi netsimpimbo, va twula ku vasalisi vanene navakulundu va vandu.

Marko 10:1

Ya twula yo ni yadza mu tsinzako tsye Buyuda na hangereka ha Yordani: kandi viduma vyadza kuye; na ya vegidza kandi kuli miima gyigye.

Marko 12:35

Yesu lwa yegidza mu litempeli, ya tivula na a vola, Avang'odi va vola ndi, Kristo nu Mwana wa Daudi?

Luka 19:47

Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Luka 20:1

Ku lilala ku madiku zana, lwa yegidza avandu mu litempeli, ni yilwadza ivangeli, vadza kuye avasalisi vanene navang'odi halala navakulundu;

Luka 4:20

Ya kunika kitabu, ni yiranyira mutumekiri, ni yikala: navo vosi va li mu lisomero va mwumika.

Yohana 7:14

Navutswa lwe lilia lya duka hagati, Yesu yanegira mu litempeli, ni yegidza.

Yohana 7:28

Kigira yaga Yesu ya gamba ni yegidza mu litempeli, na a vola, Inze, mwinye mu mmanya, kandi mu manya ha nda twula; kandi si ntsitsa inze mwene, navutswa uyu wa ntuma noweligali, wa mu ta manya mwinye.

Yohana 8:2

Ya kivira mugamba na a tsia mu litempeli, kandi avandu va tsia kuye vosi; naye yikala na a vegidza.

Yohana 8:20

Amakuva yaga ya volera hetsishilling tsi vikangwa, lwa yegidza mu litempeli: kandi si ha li nomundu wa mu gumira, kigira isaa yeye ya li ni i kikiri kuduka.