Matayo 26:41 - KITABU KITAKATIFU

⁴¹ Lindi mu saale, mu tingira mu ligeridzwa mba; mwoyo gwene gu yanza, navutswa mubiri si gu li netsingulu.

Matayo 26:41 ပူးပေါင်းရင်းမြစ်များ

Zaburi 119:1

Va veye nobugasu yavo ava veye nobudukiru ku inzira, Ava gendanga mu likalaga lya Yahova.

Zaburi 119:115

Mu twule ku inze, mwinye ava kola ubwoni, Nduke kugumira amalago ga Nyasaye wange.

Zaburi 119:117

U nkonye na nda va nobuhoni, Na nda bugirira amalago gogo kazozo.

Zaburi 119:32

Nda nyagula ku inzira yamalago gogo, Lwa u li nenehidza mwoyo gwange.

Matayo 24:42

Kigira yaga, Lindi: kigira si mu manya lidiku lyo Mwami wenyu yadza.

Matayo 25:13

Kunangwa mu linde, kigira si mu manya lidiku ne isaa.

Matayo 26:38

Hene yaho ya va volera, Mwoyo gwange gu veye nobuvereri ligali kuduka kukudza: mu tigala hano mu linde halala ninze.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Marko 14:38

Lindi, mu saale, mu tingira mu ligeridzwa: ligali mwoyo gu bugirira, navutswa mubiri gu dekerana.

Luka 11:4

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Luka 21:36

Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Luka 22:40

Lwa ya duka ha zana, ya va volera, Mu saale mu tingira mu ligeridzwa.

Luka 22:46

na a va volera, Kigira ki mu gona tsindolo? Vuki mu saale mu tingira mu ligeridzwa.

Luka 8:13

Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

1 Vakorintho 16:13

Mu linde, mu dinye mu lisuuvira mu ve avasatsa, mu ve avetsinguiu.

1 Vakorintho 9:27

navutswa nkindukidza mubiri gwange, nokugutuma: gase inyinga mmali kwilwadzira avandi inze mwene nda sulwa.

Vagalatia 5:24

Kandi yava ava veye va Kristo Yesu va mali kubambwa mubiri halala nelyegombwa lyagwo lidamano nelikayirwa lyagwo.

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;

Likunula 16:15

(Henza, inze nzidza kuli mwivi. A veye nobugasu u lindirira, nokulinda tsingubo tsitsye, gase a la genda kyahonyo, na va lole tsisoni tsitsye.)

Likunula 3:10

Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.