Matayo 26:39 - KITABU KITAKATIFU

³⁹ Yisunda hambiri hakekeke, na a gwa mammama na a saala na a vola, Dada wange, ni ki nyalika, kikombe yiki ki mbite: navutswa ga ta va kuli ubulaliri bwange, navutswa ga ve kuli ubulaliri bubwo.

Matayo 26:39 ပူးပေါင်းရင်းမြစ်များ

Litanga 17:3

Abram ya gwa mammama: na Nyasaye ya volerana naye, na a vola,

2 Samweli 15:26

navutswa na a va na a vola kuli yaga, Si nyanzidzeywi mu ive; henza, mbeye ho, a nkolere kuli a lola kuva bulahi.

1 Kyetsinyinga 21:16

Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

Isaya 50:5

Yahova Nyasaye u nziguye ugutu gwange, na si nda li mutingu, kandi si ndirana inyima.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Livalidza 14:5

Hene yaho Musa na Haruni va gwa mammama imbiri welivugana lyosi lya avana va Israeli.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Matayo 20:22

Navutswa Yesu ya tivula na a vola, Si mu manya kya mu teva mba. Mwinye mu nyala kunwera ku kikombe kya nyenya kunwa ku? Navo va mu volera, Ku nyala.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 26:42

Ya tsia kandi na a saala, na a vola, Dada wange, ni ga ta nyalika kikombe yiki ki mbite, mbule kukinwa, ubulaliri bubwo bu kolwe.

Marko 13:22

kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika.

Luka 17:16

yadza na a gwa mammama ha virenge vivye, na a mu santidza: kandi ya li Musamaria.

Yohana 11:41

Kunangwa va twulidza ligina. Na Yesu ya henza migulu na a vola, Dada, nku santidza kigira wa mbulira.

Yohana 14:31

navutswa kuli wa Dada ya ndaga, inze nkolanga ndiyo, avomkivala va duke kumanya nyanza Dada. Singiri, ku gende.

Yohana 18:11

Yesu ya volera Petro, U vike kivavi mu Iwula: kikombe kya Dada ya mpa mbule kunwa naho?

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 5:30

Si nyala kukola kindu inze mwene: kuli mbuliranga nkalaga ndiyo; kandi likalaga lyange li veye lilungi; kigira si nyenya ubulaliri bwange, navutswa ubulaliri bwa uyu wa ntuma.

Yohana 6:38

Kigira si nda twula migulu kukola ubulaliri bwange, navutswa ubulaliri bwa uyu wa ntuma.

Vikolwa 10:25

Lwa Petro yingira, Kornilyo ya mwaganira na a mu gwira ha virenge, na a mu sigamira.

Vafilipi 2:8

kandi kigira ya loleka kuva neligondo lyomundu, mwene yegehidza, na a bugirira likudza, yee kali likudza lyomusalaba.

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.