Matayo 26:29 - KITABU KITAKATIFU

²⁹ Navutswa mmu volera, Inze kutwula kalunu si nda nwa ku makuyu gemizabibu, nduhe nduke kumva mahya halala nemwinye mu bwami bwa Dada wange.

Matayo 26:29 ပူးပေါင်းရင်းမြစ်များ

Zaburi 104:15

Na iwaini i yanzidza mwoyo gwomundu, Na maguta gokunihidza mmoni mwimwe, Na ubukima bu konyanga mwoyo gwomundu.

Zaburi 4:7

U viki ubusangali mu mwoyo gwange, Ubu vita bwa yavo inyinga ubuswage bwavo na iwaini yavo vya medeka.

Zaburi 40:3

Kandi ya vika mmunwa gwange ulwimbu luhya, nalwo lu veye Iidzominya lya Nyasaye wetu: Avanyinga va la lola, na va la tia, Na va la suuvira Yahova.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Matayo 13:43

Hene yaho avalungi va la ng'ereng'ana kuli liuva mu bwami bwa Dada wavo. U veye namatu gokuhulira, a hulire.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Matayo 26:30

Lwa va mala kwimba lwimbu, va twula ni va tsia mu kigulu kya Mizeituni

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Marko 14:25

Ligali mmu volera, Si nda nyala kandi kunwa ku makuyu gemizabibu, nduhe nduke lidiku lyokunwa amahya mu bwami bwa Nyasaye.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Luka 15:32

Navutswa nu bulahi ku kole isango kandi ku yanze; kigira uyu amwavo wowo ya li ya kudza, a veye mwoyo; kandi ya li ya gota, u nyoleki.

Yohana 15:11

Yaga mmali kumuvolera, ubuyanzi bwange bu duke kuva mu mwinye, kandi ubuyanzi bwenyu bu duke kuduka.

Yohana 16:22

Kandi mwinye kalunu mu veye nobuvereri: navutswa nda mu lola kandi, ne myoyo gyenyu gyi la yanza, nobuyanzi bwenyu mundu si a nyala kumunyaga.

Yohana 17:13

Navutswa kalunu ndadza ku ive; na yaga mbolera mu lirova, va duke kuva nobuyanzi bwange bwizule muvo.

Vikolwa 10:41

si ya mu lolekidza ku vandu vosi navutswa ku valolekidzi ava Nyasaye ya tanga kutovola, ku kwinye, va kwa lagira ni ku nwa naye inyima yelisimuguka lilye kutwula mu vakudzi.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Likunula 14:3

kandi vimba kuli lwa li lwimbo luhya imbiri wentebe, kandi imbiri wevilombe vine vi veye mwoyo kandi imbiri wavakulundu: kandi si ha li nomundu wa nyala kwega lwimbo zana na a ta li ku yava tsielfu mia na makumi gane na tsine, yavo ava gulwa mu lirova.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.