Matayo 25:1 - KITABU KITAKATIFU

¹ Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi.

Matayo 25:1 ပူးပေါင်းရင်းမြစ်များ

Zaburi 45:14

A la letwa ku mwami netsingubo tsyobubahbale: Avakana avagima avakye veve ava mu londanga Va la letwa ku ive.

Lwimbu lwa Solomoni 1:3

Maguta gogo ga wevaki ga veye bulahi kuvita iwaini. Maguta gogo ga wevaki ga veye nomuhomo gu yanzidzanga; Lieta lilyo li veye kuli amaguta: malahi aga tsukwa; Kigira yaga avakana va ku yanza.

Lwimbu lwa Solomoni 5:16

Munwa gwigwe gu veye munolu ligali: Yee, a veye mulahi ligali hosi. Uyu a veye muyanze wange, uyu a veye mulina wange, Mwinye avakana va Yerusalemi.

Lwimbu lwa Solomoni 5:8

Nzisuhidzanga mwinye avakana va Yerusalemi, Ni mu va ni mu nyola muyanze wange, Mu mu volera, Inze saliranga ubu lwaye bwobuyanzi bu letanga.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Matayo 13:24

Kandi ya kupa lugano lundi, na a va volera, Ubwami bwomigulu bu fwanana nomundu u midza bugutsa bugasu mmulimi gwigwe:

Matayo 13:31

Ya va kupa lugano lundi, na a vola, Ubwami bwomigulu bu fwanana nolugutsa lwelisatsi, lwomundu ya vugula na a taga mu mulimi gwigwe:

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Matayo 13:47

Kandi, ubwami bwomigulu bu fwanana nomuluvo gwinikwa mu inyanza, ni gu vugula tsisudzi ku tsing'ano tsyosi:

Matayo 20:1

Kigira ubwami bwomigulu bu fwanana nomundu mwene inyumba, wa twula mugamba tsuri kwenya avayinziri vekizabibu kikye.

Matayo 22:2

Ubwami bwomigulu bu fwanana nomwami mulala wa kolera mwana wewe kiserero.

Matayo 25:7

Hene yaho avakana avagima yava vosi va vuka ni va iomba tsitaya tsyavo.

Matayo 3:2

Mweganire; kigira ubwami bwomigulu bu veye himbi.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Matayo 9:15

Yesu ya va volera, Avalina voserereywi si va nyala kulira lwa userereywi a veye halala navo? Navutswa madiku ga ladza userereywi lwa a li twulidzwa, kunangwa va la honga lilia.

Yohana 18:3

Maku, Yuda lwa ya mala kuvugula mugaanda gwavasikari navanyampara, ava twula ku vasalisi vanene na Vafarisayo, ya tsia yo netsitaya netsimuli nevyuma.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

Vikolwa 20:8

Tsitaya tsinyingi tsya li mu inyumba ye igulu ya kwa vuganira mu.

1 Vakorintho 11:2

Kalunu nzidzominya mwinye kigira mu nzidzulitsanga ku vindu vyosi, kandi mu gumiranga ligali yaga ga mwa vugula, kuli nda mu ha.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 19:7

Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 4:5

Kandi uluheni, nemyoyo, netsinkupa vya twula ku intebe. Kandi tsitaya tsitano na tsiviri tsyomuliru tsyaaka li imbiri wentebe, tsi veye Roho vatano u na vaviri va Nyasaye;

Likunula 8:10

Kandi ingelosi wa kavaka ya kupa, ing'ereng'ani inene yaguluka kutwula migulu, yaaka kuli lumuli, kandi ya gwa ku kidieli kilala ku vivaka vyemigera noku busenukiru bwamadzi;