Matayo 24:7 - KITABU KITAKATIFU

⁷ Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Matayo 24:7 ပူးပေါင်းရင်းမြစ်များ

2 Kyetsinyinga 15:6

Na ihiri yononnya ihiri, nelidala lyononnya lidala; kigira Nyasaye ya va dambidza nelidambidza lyosi.

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Zekaria 14:13

Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye.

Luka 21:11

kandi li la va lidegera linene lyelirova, kandi tsitodzo netsinkudzo ihale ne hale; kandi ubutihidzi nevilolekidzu vi la twula migulu.

Vikolwa 11:28

Kandi mundu mulala kuvo wa langwa Agabo ya singira, na a lolekidza netsingulu tsya Roho, inzala inene i ladza mu lirova lyosi: nayo ya duka mu madiku ga Klaudio.

Vikolwa 2:19

Nda leta vyokugenya igulu migulu, Nevilolekidzu mu lirova hasi; Amasahi, nomuliru, nelilumbe lyomwoki:

Vahebraina 12:27

Kandi likuva yili, Inyinga yindi kandi, li lang'aminya lisundwa lyevindu vi degeridzwa, kuli vindu vya lombwa, vindu yivyo vi vuli kudegeridzwa vi menye.

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 6:5

Kandi inyinga ya boholola muhuri gwa kavaka, nda hulira kilombe ki veye mwoyo kya kavaka ni ki vola, Hamba. Kandi nda lola, henza, iparasi imwamu; kandi uyu wikala ku ya li netsiratili mu mukono gwigwe.

Likunula 6:6

Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.