Matayo 24:31 - KITABU KITAKATIFU

³¹ A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Matayo 24:31 ပူးပေါင်းရင်းမြစ်များ

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 67:7

Nyasaye a la ku gasidza; Na aveviheri vyelirova vosi va la mu tia.

Zaburi 81:3

Mu kupe kisiliva inyinga yomweli muhya, Mu inyinga yomweli gu kyera, ku lidiku lyelilia lyetu.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 13:5

Va twula mu kivala kyehale, kutwula ku i kiheri kyegulu a veye Yahova, nevyuma vyobutima bwibwe, kudividza kivala kyosi.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Isaya 60:4

Ginga tsimoni tsitsyo u lole ku tsimbega tsitsyo: vosi vevungidze avene halala, vadzanga ku ive; avana vovo vayai va ladza ku ive kutwule ihale, avana vovo avakana va la gingirwa mmakono.

Danyeli 7:2

Danyeli ya moloma na a vola, Inze nda lola mu lilola lyange ubudiku, na henza, tsimbuudza tsine tsyomigulu tsya huudza netsingulu ku inyanza inene.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Zekaria 2:6

He, he, mwiruke kutwule mu kivala kya kasikasini, Yahova a vola; kigira nda salannya mwinye kuli tsimbuudza tsine tsyomigulu, Yahova a vola.

Zekaria 6:5

Ingelosi ya tivula nokumbolera, Yitsi tsi veye tsimbuudza tsine tsyomigulu, tsi twulanga mu lisingira imbiri wa Yahova, Mwami welirova lyosi.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Matayo 13:41

Mwana wa Adamu a la tuma tsingelosi veve, navo va la vungidza mu bwami bwibwe vindu vyosi vikigitalidza, navo ava kola ubwoni,

Matayo 24:22

Madiku yago ni ga vula kwimbihidzwa mibiri gyosi si gyi li nyala kuhona: navutswa madiku yago ga limbihidzwa kigira avatovoleywi.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 24:32

Kalunu mwegi ku mkuyu, mu manye lugano lwagwo: lwa lusya lu gwiye ludoto ni lu sibuka amatu, mu manya inyinga yoluya i veye himbi.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Marko 13:27

Hene yaho a la tuma tsingelosi, kandi a la vungidza halala vatovole veve va twula mu tsimbuudzi tsine, kutwula ku tsindulu tsyelirova kandi ku tsindulu tsyegulu.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Varumi 10:18

Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.

1 Vakorintho 15:52

nonoho, kuli li vunavuna lyemoni, lwa ki li kupwa kisiliva kyekiheri: kigira kisiliva ki langirira, navakudzu va la simugukidzwa va ta li nobwoneku, na kwinye ku la girunkanywa.

Vafeso 1:10

kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

Kwidzulitsa 30:4

Ni i va ava kungwa vovo va veye ku kiheri kyeligulu, kutwula ha zana Yahova Nyasaye wowo a la ku vungidza, na kutwula ha zana a la ku vugula:

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

2 Vatesalonike 2:1

Kalunu ku goonya mwinye, avamitu, ku makuva gelidza lyo Mwami wetu Yesu Kristo, noku livugannywa lyetu kuye;

Vahebraina 12:19

noku mwoyo gwekisiliva, noku mwoyo gwamakuva ogwa yava va hulira va goonya likuva lindi li ta volwa kuvo;

Likunula 1:20

agaviswa getsing'ereng'ani tsitano na tsiviri tsya wa lola mu mukono gwange mulungi, nagavisuwa agevinara vitano na viviri. Tsing'ereng'ani tsitano na tsiviri tsi veye tsingelosi vamavugano gatano na gaviri: nevinara vitano na vaviri vi veye mavugano gatano na gaviri.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 7:1

Inyima wevindu yivi nda lola tsingelosi vane va singiye ku tsikorna tsine tsyelirova, va gimira tsimbuudza tsine tsyelirova ha ta va nembuudza i huudza ku lirova, noku inyanza, noku misala gyosi.

Likunula 8:2

Kandi nda lola tsingelosi vatano na vaviri ava singiranga imbiri wentebe ya Nyasaye; na va hebwa visiliva vitano na viviri.