Matayo 23:23 - KITABU KITAKATIFU

²³ O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Matayo 23:23 ပူးပေါင်းရင်းမြစ်များ

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Isaya 28:25

Lwa a mali kuvusa mmoni mwekivala si a midza yiyi na yiyi tsimpindi, nokumidza bugutsa, nokumidza ingano mu tsimbaso, ne shairi mu bugono bwayo bwa lagwa, nobuswage bundi himbi nolwako?

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Kyavalevi 27:30

Kandi izaka yosi yemilimi, ni i va ni i veye ubugutsa bwemilimi Ikinga ni i veye makuyu gomusala i veye ya Yahova: i veye intakatifu ku Yahova.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Matayo 12:7

Navutswa mu va mwa manya amakuva yaga, Nyenya tsimbabasi, si nyenya kisyuviriru, nkano si mwa nyala kukyaya ava ta li nekindu kuvo.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

Luka 11:42

Mwinye Avafarisayo, O bayaye bu veye ku mwinye kigira mu tunga lizaka lyenaana nesadhabu? Netsingutsa tsyosi, na mu leka amakuva gobulungi nagobuyanzi bwa Nyasaye: navutswa nu bulahi kukola yivi, kandi kuvu la kuleka yivi vindi.

Luka 18:12

Ku lisidza lilala mbonga lilia kaviri; kandi ntwulidza amazaka ku vyosi vya nyola.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.