Matayo 22:16 - KITABU KITAKATIFU

¹⁶ Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Matayo 22:16 ပူးပေါင်းရင်းမြစ်များ

1 Avami 22:14

Ma Mikaiya ya vola, Kuli Yahova a veye mwoyo, kya Yahova a mbolera, nikyo kya mbola.

Zaburi 12:2

Va volerananga ububehi sa mulala nowakye: Nolulimi ludoto, kandi nemyoyo gyiviri, va volanga.

Zaburi 5:9

Kigira si ha veye nelibugirira mminwa gyavo; Muvo buveye ubudamano bunene; Amadundu gavo ga veye kilindwa kyalamu Tsinimi tsyavo tsi veye tsindoto.

Zaburi 55:21

Munwa gwigwe gwa li muterere kuvita maguta, Navutswa mwoyo gwigwe gwa li ubulwani: Makuva gege ga li madoto kuvita maguta, Navutswa ga li vivavi visomole.

Tsing'ano 29:5

Mundu widzominyanga wakye na makuva madoto A teganga mutego ku ligenda lilye.

Malaki 2:6

Lilaga lya geligali lya li mu munwa gwigwe, na bukyamu si bwa loleka mu minwa gyigye mba: ya genda halala ninze mu mirembe nomu bulungi, na ya girunkannya avanyingi va leke ubudamano.

Malaki 2:9

Kigira yaga mmali kukolera mwinye avokulegwa na vahanzahanza imbiri wa avandu vosi, kuli mwinye mwa vula kulinda tsinzira tsyange, navutswa mwa li nelyelidza ku vandu mu malago.

Matayo 22:24

ni va vola, Mwegidzi, Musa ya vola, Mundu na a kudza bugira avana, amwavo wewe yirannye mkali wewe, na a letere amwavo wewe avana.

Matayo 22:26

na ndi ka ndi wa kola vaviri, kandi wa kola vavaka, kali kuduka kuye wa kola vatanu na vaviri.

Matayo 26:18

Na a vola, Mu tsie mu lidala, mu duke ku inyu mba ya leve, mu mu volere, Mwegidzi a vola, Inyinga yange i veye himbi; nkola lipasaka mu inyumba yoyo halala navegidzwi vange.

Matayo 26:49

Nonoho ya tsia ku Yesu na a mu volera, Mirembe, Rabi; na a mu busa.

Marko 10:17

Lwa ya twula na a tsia ku inzira, mulala ya nyagula na a tsia ha ya li, na a mu sigamira, na a mu teva, Mwegidzi mulahi, nkola ndi nduke kunyola liva mwoyo li ta hera mba?

Marko 12:13

Na va tuma kuye avalala ku Vafarisayo noku vanga Herodi va mu tege ku makuva gege.

Marko 12:14

Lwa va duka kuye va mu volera, Mwegidzi, ku manya ive u veye weligali, kandi si u tidza mundu; kigira si u henza ligondo lyavandu, navutswa ligali wegidza inzira ya Nyasaye. Nu bulahi kutunga ubushutu ku Kaisari, naho si bu li bulahi?

Marko 3:6

Nonoho Vafarisayo va twula mu, ni va volerana nava nga Herodi kuli wa va duka kumwiita.

Marko 8:15

Na a va gerihidza na a vola, Henza, mu gelihe bulahi mamera ga Vafarisayo namamera ga Herodi.

Luka 20:21

Ni va mu teva ni va vola, Mwegidzi, ku manya ive u vola nokwegidza bulungi, kandi si u bugirira ligondo lyomundu, navutswa ligali wegidza inzira ya Nyasaye.

Luka 7:40

Yesu ya tivula na a mu volera, Simoni, mbeye nelikuva lya nyenya kukuvolera. Naye ya mu volera, Mwegidzi, vola.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 7:18

Uyu wevolera yenya ubukumi bwibwe bwene: navutswa uyu wenya ubukumi bwa uyu wa mu tuma, uyu a veye weligali, kandi si a veye na ga ta lungiki muye.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

2 Vakorintho 4:2

navutswa ku suye vindu vya viswa vyetsisoni, ku ta genda mu bugeeri budamano, kinga ku ta tumekira likuva lya Nyasaye nobu gadi; navutswa ku livika habulavu ageligali kwelang'aminya mu myoyo gyavandu vosi imbiri wa Nyasaye.

2 Vakorintho 5:16

Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

Vagalatia 2:6

Navutswa ava volwa va veye avanene (va li nobunene ki si ki veye kindu ku inze: Nyasaye si a bugirira ligondo lyomundu) yava ava volwa va veye kindu si va dasa ku inze kindu:

Kwidzulitsa 33:9

Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.

1 Vatesalonike 2:4

navutswa kuli wa Nyasaye ya ku bugirira ku kolwe avalindi vevangeli, ku vola ndiyo; si ku vola kuyanzidza avandu, navutswa Nyasaye u geridzanga myoyo gyetu.

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.