Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.
Nomwami ya volera Ziba, Kigira ki u ndetera vindu yivi? Na Ziba ya vola, Tsisukiri yitsi tsi veye tsya avandu venyumba yomwami va duke kuninaku; nobukima yibu namakuyu genyinga yoluya vi veye vya avasoleli va duke kulia; ne waini, ni i va avandu va gehi tsingulu mu kyangalangwi va duke kunwa.
Na mwami ya va volera, Mu vugule vatumekiri avo munene wenyu halala nemwinye, munyinnye Solomoni mwana wange ku inyumbu yange yene, na mu mu sulungutidze kuduka Gihon:
Na Solomoni ya vungidza magari gelihe navasikari avokunina ku tsiparasi: na ya li namagari elfu indala ne tsimia tsine na vasikari vokunina ku tsiparasi tsielfu likumi na tsiviri, ava ya vika mu madala gamagari, na halala nomwami mu Yerusalemi.
O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.
Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.
Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.
Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.
Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.
Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.
Na ya li navana avayai makumi gane, navisukuli veve avayai makumi gavaka, ava nina ku vimoli vyetsisukiri vya li makumi gatano na gaviri: naye ya kalaga mu Israeli mihiga gyitano na gyivaka.