Matayo 21:44 - KITABU KITAKATIFU

⁴⁴ Uyu u gwa kwigina yili a la vunika: navutswa wa li li gwira, li la mu salannya kuli lugukyi.

Matayo 21:44 ပူးပေါင်းရင်းမြစ်များ

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 2:9

U la va shonolannya nempimbo yekivya; U la vononnya kuli isiongo yomulongi.

Isaya 28:13

Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.

Isaya 60:12

Kigira ihiri yeyo nobwami yibwo bu vule kukutumekira bu la diva; yee, tsihiri yitsyo tsi la dividzwa ligali.

Zekaria 12:3

Na ga la duka ku lidiku yilyo, nda kola Yerusalemi kuva ligina liliduhu ku avandu vosi; vosi ava ginga musigo yigwo va laatwa tsing'oma ligali; netsihiri tsyosi tsyelirova tsi la vungidzwa halala kulyo.

Matayo 21:43

Kigira yaga mmu volera, Mu la nyagwa ubwami bwa Nyasaye bu hebwe ihiri i leta makuyu gabwo.

Matayo 21:45

Avasalisi vanene na Vafarisayo lwa va hulira tsing'ano tsitsye, va manya a vola kuvo.

Matayo 26:24

Mwana wa Adamu a tsia kuli ga ng'odwa kuye: navutswa Bayaye bu veye ku mundu uyo wa zama Mwana wa Adamu bu va bulahi nkano mundu uyo si ya livulwa.

Matayo 27:25

Avandu vosi va tivula ni va vola, Masahi gege ga ve ku kwinye, noku vana vetu.

Luka 2:34

kandi Simeoni ya va saavira ubu lahi, na a volera Maria mama wewe, Henza, mwana uyu u vikeywi, ava nyingi ku Israeli va gwe kandi va vuke; kandi a ve kiloleru ki li hangalidzwa;

Luka 20:18

Ku vosi u li gwa ku ligina yilyo a la vunika; navutswa wa li la gwira, li la mu duvulannya kuli lugukyi.

Yohana 19:11

Yesu ya mu tivulira, Ive si u nyala kuva netsingulu ku inze kali hakuzu, nu u ta hebwa tsi twula migulu: kigira yaga u veye nobwoni bunene nu uyo wa mbika mu makono gogo.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

1 Vatesalonike 2:16

kandi va ku gaya kuvolerana nave Tsihiri va duke kuhonnywa; va duke kukiridza ubwoni bwavo kazozo: navutswa ubutima bu duki kuvo bwosi ligali.

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.