Matayo 21:31 - KITABU KITAKATIFU

³¹ U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu.

Matayo 21:31 ပူးပေါင်းရင်းမြစ်များ

Ayubu 15:6

Munwa gugwo gu ku kalagiranga mahyolo, si a li inze; Yee, minwa gyigyo gyi lolekidza ku ive.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Matayo 18:3

na a vola, Ligali mmu volera, ni mu tigirunkannya kugwa kuli avana vakekeke, si mu li nyala ligali kwingira mu bwami bwomigulu.

Matayo 20:16

Ndi avenyima va la va avembiri, navo avembiri va la va avenyima.

Matayo 21:30

Yadza ku wanyima na a mu volera ndiyo kandi. Naye ya vola, Ntsitsa, Mwami: navutswa si ya tsia mba.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 5:46

Kigira ni mu yanza ava mu yanza, mu la nyola madanyi ki? Kali avasolola ubusutu si va kola ndiyo?

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Matayo 7:21

Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu.

Matayo 9:9

Yesu lwa ya vita kutwula yaho, ya lola mundu wa langwa Matayo ni yikaye ha va sololera ubushutu: ya mbolera, U nonde. Naye ya singira na a mu londa.

Luka 15:10

Kandi ndiyo mmu volera, Bu veye ho ubuyanzi imbiri wetsingelosi va Nyasaye kigira mwoni mulala weganira.

Luka 19:22

Ya mu volera, Ku munwa gugwo mwene nda ku kalagira, ive mutugwa mudamano. Ive wa manya inze mbeye mundu mudinyu, mbugula kya nta vika, ngesa ha nta midza;

Luka 7:29

Na vandu vosi lwa va hulira, navasololi vobushutu, va ha Nyasaye ubulungi, va mali kubatidzwa nelibatidza lya Yohana.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

Varumi 5:20

Kandi lilaga lya duka, lihyola li duke kukira; navutswa hobwoni bwa kira, tsimbabasi tsya kira ligali;

2 Petro 3:9

Mwami si ya lindagira mu lisuuviridza lilye, kuli avandi va vola lilindagira; navutswa yikudzira ku mwinye, kigira si yenya mundu mulala a dive, navutswa yenya vosi va duke ku lyeganira.