Matayo 21:23 - KITABU KITAKATIFU

²³ Lwa ya mala kuduka mu litempeli, avasalisi vanene navakulundu vavandu vadza kuye lwa yegidzanga, ni va vola, Ive u kola vindu yivi netsingulu ki? Kandi ibwaha wa ku ha tsingulu yitsi?

Matayo 21:23 ပူးပေါင်းရင်းမြစ်များ

Kutwula 2:14

Naye ya tivula, Ni bwaha wa ku vika kuva mwami na mukalagi ku kwinye? U ganagana kunziita, kuli wa li kwiita Muegepeti? Na Musa ya tia, na a vola, Nkani inkuva yiyi i manyekani ligali.

Matayo 20:4

Kandi ya va volera, Mu tsie mu kizabibu, kandi ku vyosi ki veye kilahi nda mu ha. Navo va tsia mu kizabibu.

Matayo 21:24

Yesu ya tivula na a va volera, Inze kandi nda mu teva liteva lilala; ni mu volera inze yili, kandi nda mu volera tsingulu tsya nkolera vindu yivi.

Matayo 24:1

Yesu ya twula mu litempeli, ni yenya kutsia; na vegidzwi veve vadza kuye kummannya tsinyumba tsyelitempeli.

Matayo 26:55

Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Luka 19:47

Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Luka 20:1

Ku lilala ku madiku zana, lwa yegidza avandu mu litempeli, ni yilwadza ivangeli, vadza kuye avasalisi vanene navang'odi halala navakulundu;

Vikolwa 4:7

Kandi lwa va mala kuvavika mmuse, va va teva, Mu kola yaga netsingulu ki, naho ku lieta ki?

Vikolwa 7:27

Navutswa uyu wononnya mutende wewe ya mu luguta, na a mu teva, Ibwaha ya ku vika u ve munene nomukalagi ku kwinye?