Matayo 20:6 - KITABU KITAKATIFU

⁶ Kandi kuduka isaa yelikumi na indala ya tsia na a nyola avandi va singiye; na a va teva, Kigira ki mu singira hano lidiku lyosi mu gunza vutswa?

Matayo 20:6 ပူးပေါင်းရင်းမြစ်များ

Tsing'ano 19:15

Ubugata bu vikanga mundu mu tsindolo tsinene; Na mwoyo gwobugata gu la saliridzwa nenzala.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Ezekieli 16:49

Henza, budamano bwamwavo wowo Sodoma ni yibu: luyai, nokwiguta vyokulia, neligasidzwa lya li muye, uyu nomu vakana veve; kandi si ya dinyeridza amakono gavadaka nava dambi.

Matayo 20:5

Kandi kuduka isaa yetsitanu na indala, kandi kuduka isaa yetsitanu na tsine, ya kola ndiyo.

Matayo 20:7

Navo va tivula, Kigira si ha li nomundu wa ku lagana naye. Ya va volera, Kandi mwinye mu tsie mu kizabibu.

Matayo 20:9

Ava tsia isaa likumi na indala, lwa va duka va tungwa sa mulala ishilling.

Yohana 9:4

Ga ku dukira kukola miyinzi gya uyu wa ntuma, gu kiri mbasu: ubudiku buudza, inyinga yomundu a ta nyala ku kola miyinzi.

Vikolwa 17:21

(Kigira avandu va Athene vosi navageni ava menya yo si va kola kindu, navutswa nokuvola nokuhulira vindu vihya.)

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.