Matayo 20:2 - KITABU KITAKATIFU

² Lwa ya mala kulagana navayinziri ishilling lidiku lilala, ya va tuma mu kizabibu kikye.

Matayo 20:2 ပူးပေါင်းရင်းမြစ်များ

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

2 Kyetsinyinga 34:3

Kigira ku muhiga gwegyi tano na gyivaka gwelyameha lilye, lwa ya li na a kikiri muyai, ya tanga kwenya Nyasaye wa guga wewe Daudi; noku muhiga gwelikumi na gyiviri ya tanga kutakasa Yuda na Yerusalemi, kutwulidza hadiguluku, nemisala gyamisambwa, nevifwananyi vya vadzwa, nevifwananyi vyo kwelonga.

Kohelethu 12:1

Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Matayo 18:28

Navutswa mtugwa uyo ya twula na a nyola mulala ku vakye veve, wa li neligovi lye tsishilling mia: na a mu gurnira mu ligote, na a vola, U ntunge ligovi.

Matayo 20:1

Kigira ubwami bwomigulu bu fwanana nomundu mwene inyumba, wa twula mugamba tsuri kwenya avayinziri vekizabibu kikye.

Matayo 20:13

Navutswa ya tivula, na a volera mulala kuvo, Mulina, si nku kolera ubudamano: ive si u lagani ninze ishilling?

Matayo 20:3

Kandi kuduka isaa yetsivaka ya tsia na a nyola avandi va singiye mu kitu va gunza vutswa.

Matayo 20:9

Ava tsia isaa likumi na indala, lwa va duka va tungwa sa mulala ishilling.

Matayo 22:19

Mu mmannye ifetha yobushutu. Ni va va mu letera ishilling.

Matayo 9:37

Hene yaho ya volera avegidzwi veve, Ligesa ni linene navutswa avagesi va geha.

Marko 12:15

Ku haane, naho ku ta haana? Navutswa ya manya ubugadi bwavo, na a va volera, Kigira ki mu ngeridza? Mu ndetere ishilling, ngi lole.

Luka 1:15

Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Luka 10:35

Mugamba ya twulidza tsishilling tsiviri na a ha mwene inyumba, na a vola, U mu lwalidze; kandi tsya u meda tsi sira, inze lwa ndirana nda ka ku tunge.

Luka 20:24

Mu mmannye ishilling. I veye nekiiwananyi namang'oda vya bwaha? Navo va mu volera, Vya Kaisari.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

Likunula 6:6

Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

1 Samweli 2:26

Nomwana uyu Samweli ya meda kuviruka, na a va nobugasu ku Yahova, noku avandu.

1 Samweli 3:1

Nomwana Samweli ya tumekira Yahova imbiri wa Eli. Noku madiku yago amakuva ga Yahova si ga nyolekanga mba, navutswa ku budinyu; si ha li nelivuula habulavu.

1 Samweli 3:21

Na Yahova yelangaminya kandi ha Shilo: kigira Yahova yelolekidza ku Samweli ha Shilo mu likuva lya Yahova.