Matayo 2:2 - KITABU KITAKATIFU

² A veye haliki wivuywi Mwami wa Vayuda? Kigira kwa lola ing'ereng'ani yeye ivugwe, ku udzi kumsigamira.

Matayo 2:2 ပူးပေါင်းရင်းမြစ်များ

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 45:11

Ku yaga mwami a lenya ubulahi bubwo; Kigira a veye mwami wowo; na ive u mu sigamire.

Isaya 60:3

Na tsihiri tsing'ano netsing'ano tsi ladza ku bulavu bubwo, navami va ladza ku bung'ering'anu bwelikya lilyo.

Jeremia 23:5

Henze, madiku gadzanga, Yahova a vola, mugo nda singeridzira Daudi Kisibu kyobulungi, naye a lameha mwami na a la kola nobugeeri, na a la kola likalaga nobulungi mu kivala.

Jeremia 30:9

navutswa va la tumekira Yahova Nyasaye wavo, na Daudi mwami wavo, wa ndi singeridza kuvo.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Livalidza 24:17

Inze mmu lolanga, navutswa si i veye kalunu; Mmu henzanga, navutswa si ha veye himbi: Ing'ereng'ani i la twula ku Yakobo, Na impimbo yobwami i la vuka mu Israeli, Na i la vukanya hagati ha Moabu, Nokutsoma hasi avana vosi ve tsimbemba.

Matayo 2:3

Herodi mwami lwa ya hulira, ya henda mwoyo na va Yerusalemi vosi halala naye.

Matayo 21:5

Mu volere mkana wa Zioni, Henza, Mwami wowo yadza ku ive, Muhooma, u nini kwisukiri, Noku kimoli kyesukiri.

Matayo 27:11

Naye Yesu ya singira imbiri wa govuna: govuna ya mu teva, na a vola, Ive niye Mwami wa Vayuda? Yesu na a mu volera, Ive u voye.

Luka 19:38

ni va vola, A veye nobugasu, Mugali yadza ku lieta lyo Mwami: mirembe migulu, nobukumi igulu ligali.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 23:3

Pilatu ya mu teva na a vola, Ive niye Mwami wa Vayuda? Na ya mu tivulira na a vola, Ive u vola.

Luka 23:38

Kandi amang'oda ga li kuye higulu, UYU NU MWAMI WAVAYUDA.

Yohana 1:49

Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 12:13

va leta amatu gamakindu ni va twula ni va tsia kumwaganira ni va kupa isango, Hozana: u gasidzeywi uyu udzanga mu lieta lyo Mwami, naye niye Mwami wa Israeli.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 19:19

Kandi Pilatu ya ng'oda ibaruwa na a gi vika ku musalaba igulu. Ga ng'odwa, YESU MUNAZARETI, MWAMI WA VAYUDA.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 9:38

Kandi ya vola, Mwami, nsuuviye. Na a mu sigamira.

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba