Matayo 2:13 - KITABU KITAKATIFU

¹³ Lwa va mala kutsia, henza, ingelosi wo Mwami ya loleka ku Yosefa mmaloto, na a vola, Singira, u hile mwana na mama wewe, wiruke u tsie Egepeti, u menye yo ndadza nduke kukuvolera: kigira Herodi a lenya mwana kumwiita.

Matayo 2:13 ပူးပေါင်းရင်းမြစ်များ

1 Avami 11:17

Ha dadi yiruka, uyu na Vaedom valala avatumekiri va dada wewe halala naye, va tsie Egepeti, Hadadi zana ya li na a kikiri mwana mukekeke.

1 Avami 3:5

Na Yahova ya loleka ku Solomoni ha Gibeon mmaloto inyinga yobudiku; na Nya saye ya vola, Teva ga wenyanga nda ku ha.

Ayubu 33:15

Mu maloto, mu malola gobudiku Lwetsindolo tsyamaveere tsi dukanga ku vandu, Mu hindolo ku kitali;

Ayubu 33:17

A duke kutwulidza mundu a leke lisaavira lilye, Nokuvisa luyai ku vandu;

Kutwula 1:22

Na Farao ya laga avandu veve, na a vola, Avana avayai vosi avivulwa mu va te mu mugera, na avana avakana vosi mu la va linda kuva mwoyo.

Matayo 1:20

Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Matayo 10:23

Navutswa lwa va mu dambidza mu lidala lilala, mwirukire mu lindi: kigira rnmu volera ligali, Si mu li malilidza amadala ga Israeli, Mwana wa Adamu a ladza.

Matayo 2:12

Ni va gerehidzwa mmaloto, va tirana ku Herodi, va tsia mu kivala kyavo kunzira yindi.

Matayo 2:14

Na a singira na a vugula mwana na mama wewe mbudiku, na a tsia Egepeti;

Matayo 2:16

Kunangwa Herodi, lwa ya lola Avageeri va mkolera kihenyahenye, ya vihirirwa ligali na a tuma avandu ni yiita avana avayai vosi ve Beth lehemu na vosi vekivala kya li himbi, ava duka mihiga gyiviri nava kikiri kuduka, kuli inyinga ya Vageeri va mlungika.

Matayo 2:22

Navutswa lwa ya hulira Arkelao wamehi mu Buyuda mbugono bwa Herodi ise wewe ya tia kutsia yo; kandi na a gerihidzwa mmaloto ya twula ho na a tsia mkivala kya Galilaya.

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 10:7

Ingelosi wa volerana naye lwa ya mala kutsia, ya langa avatumekiri veve vaviri venyumba nomusikari mulala wa tia Nyasaye, kuvo va mu linda kazozo

Vikolwa 12:11

Kandi Petro lwa ya duka kumanya, ya vola, Kalunu mmanya ligali Mwami u tumi ingelosi wewe kuntwulidza mu makono ga Herodi nomu tsiganagani tsyavandu va Vayuda.

Vikolwa 12:7

Kandi henza, ingelosi wo Mwami ya singira himbi naye, ubu lavu bwa ng'ereng'ana mu inyumba: na a dira Petro mu tsimbalu, na a mu vukidza, na a mu volera, Singira bwangu. Neminyororo gyigye gya tonya ni gyi twula ku makono gege.

Vikolwa 16:36

Kandi mulindi ya volera Paulo amakuva yaga, na a vola, Avanyampara va tumi avandu mu bohololwe: kunangwa kalunu mu twule, mu tsie nemirembe.

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Vikolwa 7:19

Uyu ya kola ubugeeri bwobugadi ku ihiri yetu, na a dambidza vaguga vetu va te avana vavo kyova va ta va mwoyo.

Joshua 3:13

Ga la duka, lwe tsinduvatiru tsyevirenge vyavasalisi ava ginganga lisanduku lya Yahova Mwami welirova lyosi, tsi singira mu madzi ga Yordani, amadzi ga Yordani ga la kalika, amadzi yago ga twulanga ku luvega lwelugulu; na ga a singira kuva kitumi kilala.

Joshua 3:17

Na avasalisi va ginga lisanduku lyelilagana lya Yahova va singira budinyu ku marova amumu hagati ha Yordani; na Israeli vosi vambuka ku marova amumu, kuduka ihiri yosi ya mala kwambuka Yordani.

Joshua 4:10

Kigira vasalisi va ginga lisanduku va singira hagati ha Yordani, kuduka lwevindu v yosi vya Yahova ya laga Joshua a volere avandu vya dukidzwa, kuli gosi ga Musa ya laga Joshua: na avandu va kola bwangu ni vambuka.

Joshua 4:18

Na ga duka, lwa vasalisi ava ginga lisanduku lyelilagana lya Yahova lwa vanegira kutwula mu Yordani, netsinduvatiru tsyavasalisi lwa tsya gingwa nokuvikwa ku marova amumu, hene yaho amadzi ga Yordani girana mbugono bwago, nokwizula nokuvita tsinzako tsyago, kuli lwa ga li ku matsyambiri.

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 12:4

Kandi mukira gwagwo gwa twulidza kidieli kilala ku vivaka vyetsing'ereng'ani tsyomigulu, nokutsyagulula ku lirova: kandi guyoka zana gu singira imbiri womukali uyo u veye mu lilumwa, gu duke kumira mwana wewe inyinga yivula.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.