Matayo 2:11 - KITABU KITAKATIFU

¹¹ Kandi vingira munyumba ni va lola mwana na Maria mama wewe, ni va gwa ni va mu sigamira, ni va boholola tsikiba tsyavo, ni va mu ha vihaanwa, itha habu, kimuli, nemanemane.

Matayo 2:11 ပူးပေါင်းရင်းမြစ်များ

Litanga 43:11

Na dada wavo Israeli ya va volera, Ni ga va ni ga veye ndiyo, mu kole yaga: mu vugule makuyu malahi gekivala mu viju vyenyu, na mu hilire mundu uyu kihaanwa, hailubani inkekeke, nobwuki bukekeke, nomunyovo, na manemane, na tsinzoli tsyokulia, na tsinzoli tsyomulodzi;

1 Avami 10:10

Naye ya ha mwami tsitalenta mia namakumi gaviri tsyethahabu, neviseve vyevifunyanga mwayu vinyingi ligali na magina gobuguli budinyu: vya vula kuletwa kandi ubunyingi bwe vifunyanga mwayu ku lugano yilwo kuli ku vyo mwami wekikali wa Sheba ya ha mwami Solomoni.

1 Avami 10:2

Ya duka Yerusalemi noluvaso lunene, tsing'amia tsya ginga viseve vyevifunyanga mwayu, nethahabu inyingi ligali, na magina gobugali budinyu; na lwa ya duka ku Solomoni, ya volerana naye gosi ku aga ya li nago mu mwoyo gwigwe.

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 45:8

Tsingubo tsitsyo tsyosi tsi funya mwayu gwa manemane, na uudi, na kida; Mutsinyumba tsya amino getsinzogu, ubukana bwa ku yanzidza.

Zaburi 72:10

Avami va Tarshishi na avevisulu va la leta ubusutu: Avami va Sheba na Seba va la leta vihaanwa.

Zaburi 72:15

Na va la hindira; naye a la hebwa ithahabu ya Sheba: Na avandu va la mu saalira kazozo; Va la mu gasidza lidiku lyosi.

Zaburi 95:6

Hambi, ku kole miluka nokwinama; Ku sigame imbiri wa Yahova wa ku lomba:

Kutwula 30:23

U vugule kandi vifunyanga mwayu mulahi: imanemane yere yetsishekeli tsimia tsitano, na mudalasini i duka kuli inusu ku yiyo, kuli tsishekeli tsimia tsiviri na makumi gatano, na indago inulu tsimia tsiviri na makumi gatano,

Kutwula 30:34

Kandi Yahova ya volera Musa, U vugule vifunyanga mwayu vilahi, isitakite, na lyonoka, na igalibane; vifunya mwayu vilahi halala na kimuli: ku yivi vyosi sa kilala u la vugula klgero kilala;

Lwimbu lwa Solomoni 3:6

Ni bwaha wanegiranga kutwula mu kyangalangwi Kuli minara gyomwoki, Wa vakwa maguta gomwayu gwa manemane nekimuli, Halala nobusie bwevifunyanga mwayu vyosi vya mugulidzi?

Isaya 60:6

Ubunyingi bwetsing'amia bu la ku kunika, netsing'amia tsisoleli tsya Midiani na Efa; vosi va twula Sheba va ladza; va la leta ithahabu nekimuli, na va lilwadza lidzominya lya Yahova.

Kyavalevi 6:15

Naye a la vugula kubwo ku luhe lwilwe lwobusie bunyuki bwekihaanwa kyobusie, noku maguta gakyo, na kimuli kyosi ki veye ku kihaanwa kyobusie, na a la ki samba ku bwali kuva mwayu, ki ve kyokwidzulitsa ku Yahova.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Livalidza 7:14

nekijiko kilala kyethahabu kyeligerwa lyetsishekeli likumi kizula kimuli:

Livalidza 7:86

na vijiko vyethahabu likumi na viviri, vizula kimuli, vyeligerwa lyetsishekeli likumi sa kilala, kuli ishekeli ya hatakatifu; ithahabu yosi yevijiko ya li tsishekeli mia indala na makumi gaviri;

Matayo 1:18

Livulwa lya Yesu Kristo lya li ndi. Mama wewe, Iwa Yosefa ya mala kumkwa, navutswa inyinga va kikiri kuva halala ya nyolwa na a ve inda ya Roho Mtakatifu.

Matayo 12:46

Lwa ya li na a volera ndi viduma, henza, mama wewe navamwavo veve va singira kyova, ni venya kuvolerana naye.

Matayo 14:33

Navo ava li mbwato, va mu sigamira, ni va vola, Ligali ive u veye Mwana wa Nyasaye.

Matayo 2:10

Lwa va lola ing'ereng'ani, va yanza nobuyanzi ubunene ligali.

Matayo 2:2

A veye haliki wivuywi Mwami wa Vayuda? Kigira kwa lola ing'ereng'ani yeye ivugwe, ku udzi kumsigamira.

Luka 2:16

Ma va tsia bwangu, ni va nyola Maria na Yosefa, nakana kaleleywi mu mulinga.

Luka 2:38

Uyu yingira isaa yeyo ni yidzominya Nyasaye, na a volera go mwana ku vosi ava linda ubu honnyi bwe Yerusalemi.

Yohana 19:39

Nikodemo wadza kuye ubudiku lwambiri, yadza halala naye na a leta vindu vya tsukanywa manemane na subiri, vya duka himbi tsiratili mia.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.

Likunula 5:8

Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

1 Samweli 10:27

Navutswa avandu vandi avekihenyehenye va vola, Mundu uyu a la kuhonnya ndi? Navo va mu lega, na si va mu letera kihaanwa. Navutswa ya kiring'ana.