Matayo 19:9 - KITABU KITAKATIFU

⁹ Na inze mmu volera, Ku vosi u li kunga mkali wewe, kigira bu ta li ubuheyi, na a kwa wundi, a kola ubuheyi: kandi u kwa wa kungwa a kola ubuheyi.

Matayo 19:9 ပူးပေါင်းရင်းမြစ်များ

Litanga 20:3

Navutswa Nyasaye yadza ku Abimeleku mu lilota lyobudiku, na a mu volera, Henza, u veye mukudzu, kigira mukali uyu wa u vuguyea veye mukali womundu.

2 Kyetsinyinga 21:11

Kuvita yaga ya lomba hadigu luku mu vigulu vya Buyuda, na ya vika netsingulu ava menya Yerusalemi mu buheyi, na a kyaminya Vayuda.

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 3:8

Na nda lola, lwa nda li ni mmu leki nokumuha ibaruwa yokulekwa, kigira agene yaga, Israeli yirana inyima kuheya, Yuda amwavo wewe wobugadi si ya tia mba; navutswa uyu kandi ya tsia na a londa malaya.

Ezekieli 16:15

Navutswa wa suuvira ku ligondo lilahi lilyo, na wa tumekira amalaya kigira lidzominywa lilyo, na wa tsuka vindu vivyo vya malaya ku vosi ava vitanga; wa li wewe.

Ezekieli 16:29

Kuvita yaga, wa meda amalaya kuduka ku kivala kya Kanani kuduka ku Kalidei; navutswa kandi si wiguta mba.

Ezekieli 16:8

Na lwa nda vita himbi nive, nokukwumika, na ive inyinga yoyo ya li inyinga yobuyanzi; na nda fuma ku ive kitweya kyange, kufuma kyahonyo kikyo: yee, nda kwisuhira, na nda lomba lilagana nive, Mwami Nyasaye a vola, na wa gwa wange.

Matayo 19:10

Avegidzwi veve va mu volera, Amakuva gomundu nomkali wewe ni ga va ndiyo, si bu li bulahi kukwa mukali.

Matayo 19:8

Ya va volera, Kigira Musa ya mu ha munwa kukunga avakali venyu, nu budinyu bwemyoyo gye nyu: navutswa kutwula litanga si ga li ndiyo.

Matayo 5:32

Navutswa mmu volera, ku vosi u kunga mkali wewe kigira bu ta li ubuheyi, a mu kola muheyi; kandi ku vosi u li mkwa wa kungwa a kola ubuheyi.

Luka 16:18

Kuvo vosi u kunga mukali wewe na a leta wundi a kola ubuheyi: naye u leta uyu wa kungwa ku musatsa a kola ubuheyi.

1 Vakorintho 5:1

Ligali ga mali kulanda ha veye nobuheyi mu mwinye, ubuheyi kuli bu ta li mu Tsihiri, mulala ku mwinye a veye nomukali wa ise.

1 Vakorintho 7:39

Mukali a bohangwa inyinga yomusatsa a veye mwoyo; navutswa musatsa na a kudzi a veye nomunwa kusererwa ku uyu wa yenya; navutswa ku vandu vo Mwami veng'ine.

1 Vakorintho 7:4

Mukali si a ve ye netsingulu ku mubiri gwigwe mwene, navutswa musatsa: kandi ndiyo musatsa si a veye netsingulu ku mubiri gwigwe mwene, navutswa mukali.