Matayo 19:5 - KITABU KITAKATIFU

⁵ na a vola, Kigira yaga mundu a la leka ise na mama wewe, na a hambane nomkali wewe navo vaviri va la gwa mubiri mulaia?

Matayo 19:5 ပူးပေါင်းရင်းမြစ်များ

Litanga 34:3

Na mwoyo gwigwe gwa hambana na Dina mukana wa Yakobo, naye ya yanza mukana uyu, na a volera mukana makuva malahi.

2 Samweli 1:26

Inze mbeye nobuvereri bunene kigira ive, Jonathan amitu wange: Ive wa nyanzidza ligali: Ubuyanzi bubwo bwa wa li bwokugenya, Bwa vita ubuyanzi bwa vakali va yanzanga.

1 Avami 11:2

avetsihiri tsya Yahova ya volera avana va Israeli, na a vola, Si mu la duka kuvo, kinga si va la duka ku mwinye; kigira ligali va la girunkannya myoyo gwenyu kulonda vanyasaye vavo: Solomoni ya hambana navo mbuyanzi.

Zaburi 45:10

Hulira, ive mukana, u lole, u tegidze ugutu gugwo; Na wivirire avandu vovo mwene, na avenyumba ya dada wowo:

Zaburi 63:8

Mwoyo gwange gu londanga ive ligali: Mukono gugwo mulungi gu singeridza inze.

Malaki 2:15

Si ya kola mwinye mulala, kali ni ya li nelitigala lya Roho? Kandi mulala kigira ki? Ya li na yenya kisukululwi kyokutia Nyasaye. Kigira yaga mu linde ligali mwoyo gwenyu ku vosi mundu a ta kola agobugadi ku mukali wobusoleli bwibwe.

Matayo 19:6

Si va li vaviri kandi navutswa mubiri mulala. Kunangwa kya Nyasaye ya hambannya, mundu a ta kyavukannya mba.

Varumi 12:9

Ubuyanzi bu ta va nobugadi. Mu dunyire ubwoni; mu hambane nekyo bulahi.

1 Vakorintho 6:16

Naho si mu manya uyu u hambanywa nowamalaya a veye mubiri mulala naye? Kigira a vola, Vaviri va la gwa mubiri mulala.

1 Vakorintho 7:2

Navutswa kuhona ku litsia mbakana, mundu sa mulala a ve nomukali wewe, kandi mukali sa mulala a ve nomusatsa wewe.

1 Vakorintho 7:4

Mukali si a ve ye netsingulu ku mubiri gwigwe mwene, navutswa musatsa: kandi ndiyo musatsa si a veye netsingulu ku mubiri gwigwe mwene, navutswa mukali.

Vafeso 5:31

Kigira yaga mundu a la leka ise na nnya naye a la hambana nomukali wewe; yava navo vaviri va la gwa inyama indala.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 11:22

Kigira ni mu va ni mu gumira ligali malago yaga ga mmu laganga, nokugakola, kuyanza Yahova Nyasaye wenyu, nokugenda ku tsinzira tsitsye tsyosi, nokuhambana naye;

Kwidzulitsa 4:4

Navutswa mwinye mwa dinya ku Yahova Nyasaye wenyu, lero mu veye mwoyo vosi sa mulala.

1 Samweli 18:1

Na ga duka, lwa ya mala kuvolerana na Saulo, mwoyo gwa Jonathan gwa hambana nomwoyo gwa Daudi, Jonathan ya mu yanza kuli yeyanza mwene.

1 Samweli 25:43

Kandi Daudi ya kwa Ahinoam wa Jezireeli; navo vombi va gwa vakali veve.