Matayo 19:22 - KITABU KITAKATIFU

²² Navutswa munyerere lwa ya hulira livola yili ya tsia nobuvereri; kigira ya li nobutugi bunyingi.

Matayo 19:22 ပူးပေါင်းရင်းမြစ်များ

Zaburi 17:14

U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 14:9

Mwami ya verera; navutswa kigira ku lisuha lilye, kandi kigira avikaye ku vyokulia halala naye ya vola, a hebwe;

Matayo 16:26

Mundu na a nyola lirova lyosi navutswa a gotidza liva mwoyo lilye, li li ka mu konya ki? Kinga mundu a la gula ki liva mwoyo lilye?

Matayo 19:21

Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Matayo 19:23

Yesu ya volera avegidzwi veve, Ligali mmu volera, Nu budinyu mutugi kwingira mu bwami bwomigulu.

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Marko 10:22

Navutswa mmoni mwimwe ya verera muno, lwa ya hulira amakuva yaga, ya tsia na a verera: kigira ya li na a veye nobutugi bunene.

Marko 6:26

Mwami ya verera munonono; navutswa kigira lyesuha lilye, kandi kigira avikala ku vyokulia, si ya yanza kumwambakannya.

Luka 18:23

Navutswa lwa ya hulira vindu yivi, ya verera ligali; kigira ya li mutugi munene ligali.

Yohana 16:20

Ligali, ligali, mmu volera, mwinye mu la lira ni mu syoma, navutswa avomkivala va la sangala: mwinye mu la verera, navutswa ubuvereri bwenyu bu la girunkanywa bu ve ubuyanzi.

Vafeso 5:5

Kigira mu manya ligali yaga, muheyi, kinga mudamano, kinga mukayirwi, u veye wemisambwa, si a veye nemiyandu kali mulala mu bwami bwa Kristo na Nyasaye.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.