Matayo 19:21 - KITABU KITAKATIFU

²¹ Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Matayo 19:21 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 6:9

Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 19:20

Munyerere ya mu volera, Yivi vyosi mmali kugumira: kalunu ndaki ki?

Matayo 19:22

Navutswa munyerere lwa ya hulira livola yili ya tsia nobuvereri; kigira ya li nobutugi bunyingi.

Matayo 19:28

Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli.

Matayo 4:19

Ya va volera, Hambi mu nonde, na inze nda mu kola avaluvi vavandu.

Matayo 5:48

Mu veye avadukanu kuli Dada wenyu womigulu a veye mudukanu.

Matayo 8:22

Navutswa Yesu ya mbo lera, U nonde, u leke avakudzu va te avakudzu vavo.

Matayo 9:9

Yesu lwa ya vita kutwula yaho, ya lola mundu wa langwa Matayo ni yikaye ha va sololera ubushutu: ya mbolera, U nonde. Naye ya singira na a mu londa.

Marko 10:21

Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.

Marko 2:14

Lwa ya li na a vita ya lola Levi wa Alfayo ni yikaye ha va sololera ubushutu, na a mu volera, U nonde. Na a singira na a mu londa.

Marko 8:34

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 14:33

Kunangwa ku mwinye vosi u ta leka vyosi vya a veye navyo si a nyala kuva mwegidzwi wange mba.

Luka 16:9

Na inze mmu volera, Mwekolere avalina ku butugi bu ganga; lwa bu li yoneka, va la ka mwingiridze mu bugono bu ta hera mba.

Luka 18:22

Yesu lwa ya hulira yaga, ya mu volera, U daki kindu kilala kalunu: gula vyosi vya u veye navyo, u he avadaka, na ive u la va nekiba migulu: hamba, u nonde.

Luka 5:27

Inyima wa yaga ya twula na a lola musololi wobushutu, wa langwa Levi, ni yikaye ha va sololera ubushutu, na a mu volera, U nonde.

Luka 6:40

Mwegidzwi si a vita mwegidzi wewe: navutswa ku vosi u mali kwega ligali a la va kuli mwegidzi wewe.

Luka 9:23

Kandi ya volera vosi, Uyu wenyanga kunonda, yigaye, a ginge musalaba gwigwe kazozo, a nonde.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Vikolwa 2:45

ni va gula ubu tugi bwavo nevindu vyavo ni va gavulira vosi, vandu vosi sa mulala kuli wa a daka.

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.