Matayo 16:27 - KITABU KITAKATIFU

²⁷ Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 16:27 ပူးပေါင်းရင်းမြစ်များ

Ayubu 34:11

Kigira a la tunga mundu miyinzi gyigye, Na mundu sa mulala a la mu kola kunyola kuli tsinzira tsitsye.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Tsing'ano 24:12

Nu u va nu u vola, Henza, si kwa manya yaga; Uyu u geranga myoyo ku iratili, si a lola likuva li veye yo yili? Na uyu u lindanga mwoyo gugwo, si a li manya? Naye si a la tunga mundu sa mulala kuli miyinzi gyigye?

Kohelethu 3:17

Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Ezekieli 18:20

Mwoyo gwomundu gu kolanga ubwoni gu la kudza: umwana a la vula kuginga ubudamano bwa dada wewe, kandi dada a la vula kuginga ubudamano bwomwana wewe; ubulungi bwibwe bu la va ku uyu wobulungi, nobudamano bwibwe bu la va ku uyu wobudamano.

Ezekieli 7:27

Mwami a la syoma, nomunene a livikwa mwere, na makono gavandu vekivala ga la degera: Nda va kolera kuli inzira yavo, kuli lidukana lyavo ni ndiyo mba kalagira; navo va la manya inze mbeye Yahova.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 13:41

Mwana wa Adamu a la tuma tsingelosi veve, navo va la vungidza mu bwami bwibwe vindu vyosi vikigitalidza, navo ava kola ubwoni,

Matayo 13:49

Gu la va ndiyo mu kiheri kyenyinga yiyi. Tsingelosi va la twula va tsie kutwulidza vadamano mu valungi,

Matayo 24:30

kunangwaheneyaho ki la lolekana migulu kilolekidzu kyo Mwana wa Adamu: ma tsihiri tsyosi tsyelirova tsi la lira, kandi va la lola Mwana wa Adamu yadza ku malesi gegulu netsingulu nobukumi bunene.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 26:64

Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

Matayo 8:20

Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

Marko 14:62

Yesu ya vola, Inze niye: kandi mu la lola Mwana wa Adamu ni yikaye ha mukono mulungi gwo Wetsingulu, ni yidza mu malesi gegulu.

Marko 8:38

Ku vosi u vera inze tsisoni namakuva gange mu likula lyobuheyi yili nelyobwoni; Mwana wa Adamu a la mu vera tsisoni, lwa a li duka nobu kumi bwa Ise wewe netsingelosi.

Luka 21:27

Hene yaho va la lola Mwana wa Adamu yadzira mu lilesi netsingulu nobukumi bunene.

Luka 22:69

Navutswa kutwula kalunu Mwana wa Adamu a likalidzwa ku mukono mulungi gwetsingulu tsya Nyasaye.

Luka 9:26

Kigira ku vosi u li mbera tsisoni na makuva gange, naye Mwana wa Adamu a la mu vera tsisoni lwa a lidza mu bukumi bwibwe mwene, nobwa Dada wewe, nobwe tsingelosi avatakatifu.

Yohana 21:22

Yesu ya mu volera, Inze ni nyenya a linde nduhe nduke, ki veye kindu ki ku ive? U nonde.

Yohana 21:23

Kigira yaga livola yili lya landa mu vamwavo, mwegidzwi uyu si a li kudza; navutswa Yesu si ya mu volera, Si a li kudza; navutswa, Ni nyenya a linde nduhe nduke, ki veye kindu ki ku ive?

Vikolwa 1:11

ni va va volera, Mwinye avandu ve Galilaya, kigira ki mu singira mu henza migulu? Yesu uyu wingeridzeywi migulu kutwula ku mwinye, a lirana kandi kuli mwinye mu mu loli na a tsia migulu.

Varumi 14:12

Kunangwa kwinye kwosi sa mulala alevolera amakuva gege mwene imbiri wa Nyasaye.

Varumi 2:6

Kigira a li ha avandu vosi kuli miyinzi gyavo:

1 Vakorintho 15:23

Na vutswa sa mulala a veye ku bwibwe mwene: Kristo a veye ubuhya; ulwenyima ava veye va Kristo mu lidza lilye.

1 Vakorintho 3:13

miyinzi gya vosi sa mulala gyi la lang'aminywa: kigira lidiku yilyo li la gyi lang'aminya, kigira gyi la lang'aminywa mu muliru; kandi muliru gwene gu la geridza miyinzi gya vosi sa mulala kuli wa gyi veye.

1 Vakorintho 8:8

Navutswa vyokulia si vi nyala kukuhila imbiri wa Nyasaye: ni ku va ni ku ta lia si ku geha; kandi ni ku va ni ku lia si ku medeka.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Vafeso 6:8

kigira mu manya, ku vyosi kindu kilahi kyomundu sa mulala a kola, a la ki nyola ku Mwami, na a veye mutugwa kinga muboholole.

Vakolosai 3:25

Kigira uyu u kyaminyanga a la nyola ubukyamu bwibwe bwa ya kola kandi: si ha veye nelitovola.

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii:

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 20:12

Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.