Matayo 16:24 - KITABU KITAKATIFU

²⁴ Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 16:24 ပူးပေါင်းရင်းမြစ်များ

Matayo 10:38

Kandi uyu u vula kuginga musalaba gwigwe nokunonda inyima wange, si a dukana ninze.

Matayo 27:32

Inyinga va twula va nyola mundu wa Kurene, wa langwa lieta lilye Simoni: mundu uyu va mu niga netsingulu a tsie navo a mu gingire musalaba gwigwe.

Marko 10:21

Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.

Marko 15:21

Mulala wa langwa Simoni Mkurene, ise Aleksandro na Rufusu na a vita ku inzira, na a twula mu mulimi, va mu niga kutsia navo, a mu gingire musalaba gwigwe.

Marko 8:34

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Luka 14:27

Ku vosi u ta ginga musalaba gwigwe mwene a nonde, si a nyala kuva mwegidzwi wange mba.

Luka 23:26

Navo lwa va mu hila, va gumira mulala Simoni wa Kurene, na a twula mu mulimi, ni va mu dwika musalaba a gu ginge, a londe Yesu.

Yohana 19:17

Ku, va gumira Yesu: mwene ya ginga musalaba gwigwe na a twula, na a tsia ha langwa kihanga, ha zana mu Luhebraina, ha langwa Golgota.

Yohana 21:19

Ya vola yaga kumannya ni likudza ki lya a li kuminyira Nyasaye. Lwa ya mala kuvola yaga, ya mu volera, U nonde.

Yohana 21:22

Yesu ya mu volera, Inze ni nyenya a linde nduhe nduke, ki veye kindu ki ku ive? U nonde.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

1 Vatesalonike 3:3

ku vosi mundu kali mu lala, kivi yiki ki ta mu sunda; kigira mwinye avene mu manya kwa vikwa kigira yiki.

2 Timoteo 3:12

Yee, kandi vosi avenyanga kumenya limenya lyelitibwa lya Nyasaye mu Kristo Yesu va la nyola lidambidzwa.

1 Petro 2:21

Kigira mwa langirwa yaga: kigira Kristo kandi ya mu salirira, na a mu lekera kyokuhenzera ku, mu duke kulonda tsinduvatiru tsitsye: