Matayo 16:23 - KITABU KITAKATIFU

²³ Navutswa yekevuka na a volera Petro, Wirane mgongo wange, Setani: u veye kya nzikigitala ku; kigira si u ganagana vindu vya Nyasaye navutswa vya vandu.

Matayo 16:23 ပူးပေါင်းရင်းမြစ်များ

Litanga 3:17

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi;

2 Samweli 19:22

Na Daudi ya vola, Inze mbeye naki ku mwinye, avana va Zeruia, kuduka mwinye mu gwiye avasigu vange lero? Si a liitwa umundu ku vosi mu Israeli lero, kigira si mmanya ninze umwami lero ku Israeli, naho?

1 Kyetsinyinga 21:1

Inyinga yeyo Setani ya vukira Israeli, na a vukidzira Daudi tsiganagani tsyokuvalidza Israeli.

Isaya 8:14

Naye a la va hobutakatifu; navutswa a la va ligina lyokwikigitalidza nolwanda lwelikigitala lyetsinyumba tsyombi tsya Israeli; a la va mutego nombeto ku avamenyi va Yerusalemi.

Matayo 16:22

Ma Petro ya mu vugula na a tanga kumwambakanya, na a vola, Ku yaga ga ta ku gwira mba, Mwami, yaga si ga nyala kukunyola.

Matayo 18:7

O bayaye bu ve ku vomkivala kigira amakuva gokwikigitalidza: kigira mageridza ga ladza; navutswa ubudamano bu ve ku mundu welikigitala li twula kuye

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Marko 8:33

Na a girunkana, na a lola avegidzwi veve, na a gondokera Petro, na a mu volera, Yirane inyima wange, Setani; kigira ive si u ganagana vindu vya Nyasaye, navutswa vindu vyavandu.

Luka 4:8

Yesu ya tivula na a mu volera, Ga ng'odwa, U sigamire Mwmi Nyasaye wowo, u mu tumekire yeng'ine.

Yohana 6:70

Yesu ya va tivulira, Si nda tovola mwinye likumi na vaviri, na mulala ku mwinye ni setani?

Varumi 14:13

Na ndiyo li ta va mu kwinye likalagirana avene navene: navutswa nu bulahi mu kalage yaga, mundu kali mulala a ta vikira amwavo wewe kyokumwikigitalidza, kinga kyokumuzoma hasi.

Varumi 14:21

Nu bulahi kuvula kulia inyama nokunwa iwaini, nokukola vyosi vyamwavo wowo yikigitala ku.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

Vakolosai 3:2

Muganagane ligali vindu vi veye igulu mu ta ganagana vindu vya hasi.