Matayo 16:21 - KITABU KITAKATIFU

²¹ Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

Matayo 16:21 ပူးပေါင်းရင်းမြစ်များ

Nehemia 12:7

na Salu, na Amoku, na Hilikia, na Jedaia. Yava va li avanene vavasalisi navamwavo vavo mu madiku ga Jeshua.

Matayo 12:40

Kigira kuli Jona ya li mmunda mwesudzi inene amadiku gavaka; kandi Mwana wa Adamu a la va ndiyo amadiku gavaka mmwoyo gwelirova.

Matayo 16:22

Ma Petro ya mu vugula na a tanga kumwambakanya, na a vola, Ku yaga ga ta ku gwira mba, Mwami, yaga si ga nyala kukunyola.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 17:12

navutswa mmu volera, Elija u mali kuudza, navo si va mu manya mba, navutswa va mu kolera vyosi kuli vya va yanza. Kandi ndiyo va la kupidza Mwana wa Adamu, kivi.

Matayo 17:9

Lwa va sulunguta kutwula mu kigulu, Yesu ya veganehidza na a vola, Mu ta volera mundu kali mulala, kya mu loli, Mwana wa Adamu a luhe a simuguke mu vakudzi.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Matayo 26:2

Mu manya inyima ya madi ku gaviri lipasaka li ladza, na Mwana wa Adamu a la zamwa mu mikono mwa vasigu veve, a bambwe.

Matayo 26:47

Lwa ya li na a ki vola, henza, Yuda, wa li mulala ku va li likumi na vaviri, yadza halala nekiduma kinene ava li nevivavi netsimpimbo, va twula ku vasalisi vanene navakulundu va vandu.

Matayo 27:12

Avasalisi vanene navakulundu lwa va mu gina, si ya tivula kindu mba.

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Matayo 28:6

Si a veye hano mba; kigira u simuguki, kuli wa ya vola. Hambi mu lole ho Mwami ya gona.

Marko 8:31

Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Marko 9:12

Na a va volera, Ligali, Elija a tanga kuudza a lombe vindu vyosi: kandi ga ng'odeywi ndi ku Mwana wa Adamu, a la kupidzwi kivi vindu vinyingi nokulegwa?

Luka 17:25

Navutswa agembiri ga mu dukira kugwi rwa vindu vinyingi, nokwambakanwa nelikula yili.

Luka 24:46

ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka;

Luka 9:31

ava loleka mu bukumi, ni va vola agelikudza lilye lya yenya kumalilidza mu Yerusalemi.