Matayo 16:18 - KITABU KITAKATIFU

¹⁸ Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Matayo 16:18 ပူးပေါင်းရင်းမြစ်များ

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

2 Samweli 18:4

Nomwami ya va volera, Aga mwinye mu lola kuva malahi kuvita nda ga kola. Nomwami ya singira ku inzira yekiribwa ha luvega, navandu vosi va twula tsimia ne tsielfu.

Ayubu 38:17

Viribwa vyelikudza vi mali kwigulwa ku ive? Kinga u loli viribwa vyekiriri kyelikudza?

Zaburi 107:18

Myoyo gyavo gyi lega vyokulia vvosi Na visunda himbi neviribwa vyelikudza.

Zaburi 127:5

A veye nobugasu wemodia yeye yizula navo: Si va la va isoni, Lwa va volerana navasigu vavo mu kiribwa.

Zaburi 129:2

Hali kanyingi va nkupidzi kivi kutwula lwa nkikiri mwana: Navutswa si va nguuti ligali mba.

Zaburi 69:12

Yavo avikala mu kiribwa va tala lieta lyange; Na rnbeye lwimbu lwavahambilii.

Zaburi 9:13

U mbere tsimbabasi, O Yahova; U lole kivi kyange ki twulanga ku yavo ava ndunyira, Ive u ntwulidzanga ku viribwa vyelikudza;

Tsing'ano 24:7

Ubugeeri bu veye igulu ligali ku musiru: Si a kunula munwa gwigwe mu kiribwa.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 28:6

naye a la va roho welikalaga ku uyu wikalanga mu likalaga, kandi a la va tsingulu ku yavo avirannyanga ubulwani ha kiri bwa.

Isaya 38:10

Nda vola, Ndingira mu viribwa vye Kilindwa mu madiku gange hagati: Nnuleywi litigala lyemihiga gyange.

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Jona 2:6

Ndika kuduka mu muse mwevigulu; Lirova nevibohero vyalyo vya nkumbiridza mihiga gyosi: Navutswa wa twulidza livamwoyo lyange ku bogo, O Yahova Nyasaye wange.

Matayo 10:2

Ameta gavatumwa likumi navaviri ni yaga: wambiri, Simoni u langwa Petro, na Andreya amwavo wewe; Yakobo mwana wa Zebedayo, na Yohana amwavo wewe;

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 18:17

Na a sula kuvahulira, u volere livugana: na a sula kuhu lira livugana kandi, u mu leke a ve kuli Wehiri yindi ku ive, kandi kuli msololi wobushutu.

Matayo 4:18

Kandi ya vaya ku luginga lwenyanza ye Galilaya, na a lola vaviri amwavo namwavo, Simoni u langwa Petro na Andreya amwavo wewe, va li ni vinika miluvo munyanza; kigira va li avaluvi.

Matayo 7:24

Ku vosi u hulira amakuva gange yaga, na a ga kola, a la fwananywa nomundu mugeeri, wombaka inyumba yeye ku lwanda:

Yohana 1:42

Ya mu hila ku Yesu. Yesu ya mu henza, na a vola, Ive Simoni mwana wa Yohana: u la gulikwa Kefa (litivula li veye Ligina).

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.

1 Vakorintho 15:55

Ive likudza, liguuta lilyo li veye haliha? Ive kihadisi, ulusere lulwo lu veye haliha?

Vagalatia 2:9

navo lwa va manya tsimbabasi tsya nda hebwa, Yakobo na Kefa na Yohana, yava ava volwa kuva tsitiru, va ha inze kandi Bara naba makono malungi agobusangi, kwinye ku tsie ku Tsihiri, navo va tsie ku vakevwa;

Vafeso 3:10

ubugeeri bwa Nyasaye obu veye tsing'ano tsinyingi, bu vuulwe kalunu ku ubunene no ku tsingulu tsyomigulu, nelivugana.

Vafeso 5:32

Agaviswa yaga ga veye manene: navutswa inze mbola amakuva ga Kristo nelivugana.

Vakolosai 1:18

Naye a veye mutwe gwomubiri, nomubiri zana ni livugana: u veye litanga kandi watangakwivulwa kutwula mu vakudzu; a duke kuva mwimiriri mu vindu vyosi.

1 Timoteo 3:15

navutswa ni mba nindagira, u duke kumanya kuli ga dukira avandu kwivika mu inyumba ya Nyasaye, nayo ni livugana lya Nyasaye welivamwoyo, itiru nomuse gwageligali.

1 Timoteo 3:5

(navutswa mundu na a ta manya kusingirira inyumba yeye mwene, a linda ndi livugana lya Nyasaye?)

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 21:14

Kandi lidigi lyelidala zana lya li nemise likumi na gyiviri, kandi ku mise ga li ku ameta likumi na gaviri gavatumwa likumi na gaviri vo Mwana Weligondi.