Matayo 16:17 - KITABU KITAKATIFU

¹⁷ Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Matayo 16:17 ပူးပေါင်းရင်းမြစ်များ

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Luka 22:32

navutswa inze mmali kukusaalira, lisuuvira lilyo li ta geha; kandi ive lwa u li mala kwirana, u luviridze avamwavo vovo.

Yohana 1:42

Ya mu hila ku Yesu. Yesu ya mu henza, na a vola, Ive Simoni mwana wa Yohana: u la gulikwa Kefa (litivula li veye Ligina).

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

1 Vakorintho 15:50

Kalunu mbola yaga, avamitu, inyama namasahi si ga nyala kunyola ubwami bwa Nyasaye; kinga ubwoneku si bu nyala kunyola ubu ta li ubwoneku.

Vagalatia 1:16

lwa yenya kulahg'ami nya Mwana wewe mu inze, nduke kumwilwadza mu Tsihiri; nonoho nda vula kwenya amakuva gowomubiri namasahi:

Vafeso 2:8

Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

Vafeso 3:5

aga vandu vamakula agandi ga vula kumannywa ku vana vavandu, kuli ga vuuleywi kalunu ku vatumwa vatakatifu noku vaprofeti mu Roho;

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

1 Petro 5:1

Kigira yaga nzeganehidza avakulundu velivugana ava veye ku mwinye, inze u veye mukulundu wakye wavo, nomuloli wobusaliri bwa Kristo, kandi u veye musangi wobukumi bu li lang'aminywa.

1 Yohana 4:15

Ku vosi u lyeyama Yesu no Mwana wa Nyasaye, Nyasaye a menya muye, naye mu Nyasaye.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.