Matayo 14:31 - KITABU KITAKATIFU

³¹ Nonoho Yesu ya nyira mkono, na a mgumira, na a mu volera, Ive welisuuvira likekeke, kigira ki u hayahaya?

Matayo 14:31 ပူးပေါင်းရင်းမြစ်များ

Litanga 22:14

Na Abrahamu ya gulika ha zana Yahova jireh: kuli ha volangwa kuduka lero, Mu kigulu kya Yahova ki la loleka.

Zaburi 138:7

Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Matayo 14:30

Navutswa lwa ya lola imbuudza ya tia; na a tanga kwiina ni yanira na a vola, Mwami, u mbonnye.

Matayo 14:32

Lwa va nina mbwato, imbuudza ya kiri ng'ana.

Matayo 16:8

Yesu ya manya ga va volerana, na a vola, Avelisuuvira likekeke, kigira ki mu monyana ku livula kuvugula milango?

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Matayo 6:30

Nyasaye na a va ni yavala ndiyo ubulimu bwemilimi, bu veye ho lero, na mugamba bu tebwa mkisambiru, nasindi a lavala mwinye, Mwinye avelisuuvira likekeke?

Matayo 8:26

Ya va volera, Kigira ki mu tia, mwinye avelisuuvira likekeke? Hene yaho ya singira, na a gaya imbuudza nenyanza; ni gu va muleng'era munene.

Marko 1:31

yadza na a mu gumira ku mkono, na a mu vukidza; uluhuudza lwa mu leka, na a va tumekira.

Marko 1:41

Yesu ya mu vererera, na a nyira mukono na a mu dira, na a mu volera, Nyenya, u hone.

Marko 11:23

Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola.

Marko 16:7

Navutswa mu tsie, mu volere avegidzwi veve na a Petro, A tsitsa imbiri wenyu kutsia Galilaya: mu la mu lola yo kuli wa ya mu volera.

Marko 4:40

Na a va volera, Kigira ki mu tidza ndi? Mu kikiri kuva nelisuuvira?

Marko 5:41

Na a gumira mwana mkono gwigwe, na a mu volera, Talita kumi, livola lyago nokuvola, Mkana, nku volera, Vuka.

Luka 24:34

ni va vola, Mwami u simuguki ligali, u mali kuloleka ku Simoni.

Vikolwa 4:30

nive kandi u nyire mukono gugwo kuhonnya; kandi vilolekidzu nevyokugenya vi kolwe ku lieta lya Yesu Mutumekiri wowo mutakatifu.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

1 Timoteo 2:8

Nyenya avandu vasatsa va saale Nyasaye hosi, va ginge mikono mitakatifu, bugira butima nobuhing'ani.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.