Matayo 13:46 - KITABU KITAKATIFU

⁴⁶ naye lwa a mali kunyola lulu lulala lwe tsishilling tsinyingi, ya tsia kugulidza vyosi vya a veye navyo na a lu gula.

Matayo 13:46 ပူးပေါင်းရင်းမြစ်များ

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vakolosai 2:3

wobutugi bwosi bwobugeeri nobwelimanya bu viseywi mu.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Matayo 13:44

Ubwami bwomigulu bu fwanana na kiba ya viswa mu mulimi; yomundu lwa a nyola ma a visa; mu buyanzi bwibwe a tsia na a gulidza vyosi vya a veye navyo na a gula mulimi yigwo.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Tsing'ano 2:4

Nu u va nu mwenya kuli wenyanga if etha, Nu u va nu mwenya ligali kuli wenyanga vindu vya viswa:

Likunula 21:21

Kandi viribwa likumi na viviri vya li tsilulu likumi na tsiviri; kiribwa sa kilala kya li ilulu indala; kandi inzira yelidala ya li yethahabu inzere, kuli ya li yobulengeru.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Matayo 13:45

Kandi, ubwami bwomigulu bu fwanana nomuguli wenya tsilulu tsindahi:

Matayo 13:47

Kandi, ubwami bwomigulu bu fwanana nomuluvo gwinikwa mu inyanza, ni gu vugula tsisudzi ku tsing'ano tsyosi:

Likunula 18:12

vindu vyethahabu, nevyefetha, nevyamagina malahi, nevyalulu, nevyetsingubo tsyekatani inda hi, nevyekiforosadi, nevyetsingubo tsinzesereru, nevyetsinzakanyu; nevyemisala gyosi gyi funya mwayu, kandi viju vyosi vya lombwa amino genzogu, kandi viju vyosi vya lombwa nomusala mulahi ligali, nevyomugasa, nevyekivya, nevya marimari;