Matayo 13:44 - KITABU KITAKATIFU

⁴⁴ Ubwami bwomigulu bu fwanana na kiba ya viswa mu mulimi; yomundu lwa a nyola ma a visa; mu buyanzi bwibwe a tsia na a gulidza vyosi vya a veye navyo na a gula mulimi yigwo.

Matayo 13:44 ပူးပေါင်းရင်းမြစ်များ

Ayubu 28:13

Mundu si a manya ubuguli bwalyo; Kandi si li nyoleka mu lirova lya va veye mwoyo.

Tsing'ano 16:16

Bu duka kuli ndi ubulahi bwokunyola ubugeeri kuvita kunyola ithahabu Yee, kunyola limanya li veye litovolwa kuvita linyola ifetha.

Tsing'ano 17:16

Kigira ki musiru a veye nekyokugula ubugeeri mu mukono gwigwe Kigira si a li nelimanya?

Tsing'ano 18:1

Uyu weyahulanga ku wakye yenyanga lyenya lilye mwene, Naye a hing'ananga nobugeeri bwosi bweligali.

Tsing'ano 23:23

U gule ageligali, u ta ga gulidza mba; Yee, kali ubugeeri, na lyegidzwa, na limanya.

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Matayo 13:24

Kandi ya kupa lugano lundi, na a va volera, Ubwami bwomigulu bu fwanana nomundu u midza bugutsa bugasu mmulimi gwigwe:

Matayo 13:46

naye lwa a mali kunyola lulu lulala lwe tsishilling tsinyingi, ya tsia kugulidza vyosi vya a veye navyo na a lu gula.

Matayo 13:47

Kandi, ubwami bwomigulu bu fwanana nomuluvo gwinikwa mu inyanza, ni gu vugula tsisudzi ku tsing'ano tsyosi:

Matayo 19:21

Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Matayo 19:27

Petro ya tivula na a mu volera, Henza, kwinye ku leki vyosi kulonda ive; kunangwa kwinye ku li nyola ki?

Matayo 19:29

Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba.

Matayo 6:21

kigira ha tsikiba tsitsyo tsi ve yo, kandi mwoyo gugwo gu la va ho.

Luka 14:33

Kunangwa ku mwinye vosi u ta leka vyosi vya a veye navyo si a nyala kuva mwegidzwi wange mba.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

Vakolosai 2:3

wobutugi bwosi bwobugeeri nobwelimanya bu viseywi mu.

Vakolosai 3:16

Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi.

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.