Matayo 13:39 - KITABU KITAKATIFU

³⁹ na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 13:39 ပူးပေါင်းရင်းမြစ်များ

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Joeli 3:13

Mu lete inkonono, kigira ligesa li lavi: hambi, mu duvage, ki gira lilina lyokukamera iwaini iizuve tsisika tsi hilanga hasi; kigira ubudamano bwavo bu gwiye bunene.

Matayo 12:32

Ku vosi u la vola likuva ku Mwana wa Adamu, a la samefwa; navutswa ku vosi u li nyega Roho Mtakatifu, si a li samefwa mba, mu lirova lya kalunu, kinga mu lirova lidzanga.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 13:25

navutswa inyinga avandu va gona tsindolo, musigu wewe ya duka na a midza amavanze hagati hengano, na a tsia.

Matayo 13:28

Na a va volera, Mundu musigu wa kola yaga. Avatugwa va mbolera, U yanza ku tsie kugavungi dza?

Matayo 13:40

Kuli mavanze ga vungidzwa halala ni ga sambwa mu muliru, ga la va ndiyo mu kiheri kyenyinga yiyi.

Matayo 13:49

Gu la va ndiyo mu kiheri kyenyinga yiyi. Tsingelosi va la twula va tsie kutwulidza vadamano mu valungi,

Matayo 24:3

Lwa yikala mu kigulu kya Mizeituni, avegidzwi vadza makiriri, ni va vola U ku volere vindu yivi vi la va inyinga ki? Kandi kilolekidzu kyeliduka lilyo ki la va ndi, kandi kyelihera lyenyinga yiyi?

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

1 Vakorintho 10:11

Kunangwa vindu yivi vyosi vya va gwira vi ve viloleru; kandi vya ng'odwa kigira lyeganehidzwa lyetu, avekiheri kyenyinga ki dukira.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: