Matayo 13:23 - KITABU KITAKATIFU

²³ Na uyu wa midzwa mmarova malahi, uyu niye u hulira likuva na a li manya; ni yama ligali, avalala va kola mia, navandi makumi gatanu nelilala, navandi amakumi gavaka.

Matayo 13:23 ပူးပေါင်းရင်းမြစ်များ

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 36:26

Kandi nda mu ha mwoyo muhya, na nda vika mu mwinye roho muhya; nda twulidza umwoyo gweligina gu veye mu mubiri gwenyu, na nda mu ha mwoyo gwenyama.

Matayo 12:33

Mu kole musala mulahi, namakuyu malahi; kinga mu kole musala mudamano namakuyu madamano: kigira musala gu manyekana namakuyu gagwo.

Matayo 13:8

Na bundi bwa gwa mmarova malahi, ni bwama, bulala bwama mia na bundi makumi gatanu neliiala, na bundi makumi gavaka.

Matayo 3:10

Kandi kali kalunu imbadzi i vike ywi mvitinya vyemisala: ku misala gyosi gu tama makuyu malahi gu temagwa, gu tebwa mmuliru.

Matayo 3:8

Mwame makuyu ga dukana nelyeganira:

Marko 10:15

Ligali inze mmu volera, Ku vosi u ta bugirira ubwami bwa Nyasaye kuli mwana, si a lingira mu, kali hakuzu.

Marko 4:20

Navo va midzwa mmarova malahi nava, ava hulira likuva ni va li gumira ni vama, avalala amakumi gavaka, avandi makumi gatanu nelilala, avandi mia.

Luka 13:9

Ni gwama makuyu kutwula inyinga yeyo, nu bulahi; navutswa ni gu tama, u la gu tema.

Luka 8:15

Nobwo mu marova malahi, nava lwa va hulira makuva, va ga gumira nomwoyo mulahi kandi mudoto, vama liama nobwikudziri.

Luka 8:8

Nobundi bwa gwa mu marova malahi, ni bu mera, ni bwama sa lulala hali mia. Lwa ya vola vindu yivi ya hanzuka, na a vola, U veye na matu gokuhulira, a hulire.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Yohana 8:47

U veye ku Nyasaye a hulira amakuva ga Nyasaye: mwinye si mu hulira kigira si mu veye ku Nyasaye.

Vikolwa 16:14

Mukali mulala wa langwa Ludia, mugulidzi we kiforosadi, welidala lya Tuatera, mundu wa sigamira Nyasaye, ya ku hulira: wo Mwami ya kunula mwoyo gwigwe kuhulira vindu vya Paulo ya vola.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

2 Vakorintho 9:10

Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:

Vafilipi 1:11

mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Vafilipi 4:17

Si nda kayirwa kihaanwa; navutswa nyenya makuyu ga medeke ku mwinye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

2 Vatesalonike 2:10

nobugadi bwosi bwobudamano ku yava ava divanga; kigira si va vugula ubuyanzi bwageligali, va duke kuhonnywa.

Vahebraina 4:2

Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.

Vahebraina 6:7

Kigira lirova li nwedzanga imbula i kupanga hali kanyingi kulyo, kandi li meranga tsingutsa tsi dukiranga yava ava limirangwa, li nyolanga ubugasu bwa Nyasaye;

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.