Matayo 13:22 - KITABU KITAKATIFU

²² Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 13:22 ပူးပေါင်းရင်းမြစ်များ

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 11:28

Uyu u suuviranga ubutugi bwibwe a la gwa; Navutswa avalungi va la mera kuli litu livisi.

Tsing'ano 23:5

U tumika tsimoni tsitsyo ku yiki ki ta li kindu, Kigira ligali ubutugi bwekolera tsimbaha, Kuli indidzu i bulukanga kutsia migulu.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Jeremia 4:3

Kigira Yahova a volera avandu va Yuda na Yerusalemi, Mu lime lirova mu milimi gyenyu, mu ta midza ubugutsa hagati ha maiwa mba.

Matayo 12:32

Ku vosi u la vola likuva ku Mwana wa Adamu, a la samefwa; navutswa ku vosi u li nyega Roho Mtakatifu, si a li samefwa mba, mu lirova lya kalunu, kinga mu lirova lidzanga.

Matayo 13:39

na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 13:40

Kuli mavanze ga vungidzwa halala ni ga sambwa mu muliru, ga la va ndiyo mu kiheri kyenyinga yiyi.

Matayo 13:7

Na bundi bwa gwa mma fwa; na mafwa ga viruka ni ga bu kunika.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Luka 12:21

A veye ndiyo wivikira vindu, navutswa ku Nyasaye si a veye nobutugi.

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

Luka 8:14

Nabwo bwa gwa mu mafwa, nava ava hulira, navutswa lwa va genda ku inzira yavo, amadidikano, nobutugi, nelikayirwa lye liva mwoyo lya ka lunu, vi va miga si va komelidza kindu.

Vikolwa 8:18

Ku, Simoni lwa ya lola Roho Mutakatifu a letwa nokuvikwa mu makono gavatumwa, ya va ha ifetha,

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

1 Vakorintho 1:20

Umugeeri a veye haliha? Mung'odi a veye haliha? Umuhingi wenyinga yiyi a veye haliha? Nyasaye si ya kola ubugeeri bwelirova bu ve ubusiru?

1 Vakorintho 2:6

Kwinye ku vola ubugeeri hagati havo ava veye avadukiru: navutswa si bu li ubugeeri bwenyinga yiyi, kandi si bu li bwavanene bwenyinga yiyi, ava li heridzwa.

1 Vakorintho 2:8

Mu vanene venyinga yiyi si ha veye nomulala u bu manya: kigira va va ni va bu manya nkano si va bamba Mwami wobukumi

1 Vakorintho 3:18

Ku vosi mundu kali mulala a tegada. Ku vosi mundu na a va na a ganagana a veye mugeeri ku mwinye mu tsinyinga yitsi, a gwe musiru, a duke kugwa mugeeri.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

2 Timoteo 4:10

kigira Dema, wa li ndeka, kigira u mali kuyanza vyelirova lya kalunu yili, kandi wa tsia Tesalonike; Keresike wa tsia Galatia, Tito wa tsia Dalamatia.