Matayo 13:15 - KITABU KITAKATIFU

¹⁵ Kigira mwoyo gwavandu yava gu gwiye mudamano, Kandi amatu gavo si ga hulira bulahi Va hannyi tsimoni tsyavo; Gase va la lola netsimoni tsyavo, Nokuhulira namatu gavo Nokumanya mmwoyo gwavo, Nokweganira, Na inze mba honnye.

Matayo 13:15 ပူးပေါင်းရင်းမြစ်များ

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Tsing'ano 16:30

Uyu u mwolidzanga tsimoni tsitsye a kolanga kuganagana vikyamu: Uyu u sunnyanga minwa gyigye a kolanga vidamano.

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Hosea 14:4

Inze nda honnya lirana inyima Ivavo, nda va yanza nomwoyo gwosi; kigira livihirirwa lyange li twuli kuye.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Marko 4:12

lihenza va henza va vula kulola; lihulira va hulira va vula kumanya; gase va leganira va samefwe ubwoni bwavo.

Luka 19:42

na a vola, Ive nkano u manya, ive mwene, ku lidiku lya lero, ivindu vi veye vyemirembe gyigyo navutswa kalunu vi viseywi tsimoni tsitsyo, tsi vula kulola.

Vikolwa 28:27

Kigira mwoyo gwa vandu yava gu gwiye mudamano, Kandi amatu gavo ga hani, Kandi tsimoni tsyavo va mwolidzi; Gase va la lola netsimoni tsyavo, Kandi gase va la hulira namatu gavo, Kandi gase va la manya nomwoyo gwavo, Veganire, Mba honnye.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 7:57

Navutswa va hanzuka, ni va kunika amatu gavo, ni va mwitsunira halala.

2 Timoteo 4:4

kandi va la girunkannya amatu gavo kutwula ku ageliga li, nokuyeka haluvega lwetsing'ano tsyobubehi.

Vahebraina 5:11

Wa ku veye namakuva manyingi agokuvola, agelilungika lyago li veye nobudinyu, kigira mu gwiye ava amatu madinyu.

Likunula 22:2

hagati henzira yalyo. Kandi ku luvega yili lwomugera zana noku luvega yilwo gwa li ho musala gwelivamwoyo, gwamanga makuyu ting'ano likumi na tsiviri, gwamanga makuyu gagwo ku mweli nomweli: kandi amatu gomusala zana ga veye gokuhonnya tsihiri.