Matayo 13:11 - KITABU KITAKATIFU

¹¹ Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Matayo 13:11 ပူးပေါင်းရင်းမြစ်များ

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 29:11

Na malola yaga gosi ga gwiye ku mwinye kuli makuva gekitabu kya vikwa muhuri, kyavandu va letera mundu welimanya ligali, ni va vola, Mwadza, u soma likuva yili: naye ya vola, Inze si nyala, kigira kya vikwa muhuri:

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Matayo 13:10

Avegidzwi vadza ni va mbolera, Kigira ki u va kupa tsing'ano?

Matayo 16:17

Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Matayo 19:11

Navutswa ya va volera, Si va li vosi va nyala kubugirira likuva yili, navutswa yava va hebangwa.

Matayo 20:23

Naye ya va volera, Kikombe kyange ligali mu la nwera ku: navutswa kwikala ku mkono mulungi gwange na ku mkono mmosi gwange, si ki li kyange kuhaana Navutswa ki veye kya yava ava Dada wange ya lombera.

Marko 10:40

navutswa kwikala ku mukono mulungi gwange kinga ku mukono mmosi gwange si ki li kyange kuhaana; navutswa ki veye kya yava ava li ni va lomberwa.

Marko 4:11

Na a va volera, Mwinye mu hebeywi kumanya amakuva ga viswa gobwami bwa Nyasaye: navutswa vosi va veye kyova va volerangwa mutsing'ano:

Luka 8:10

Ya vola, Mwinye mu hebeywi kumanya aga viswa gobwami bwa Nyasaye: navutswa avandi va kupangwa tsing'ano; lihenza va henza va ta lola, kandi lihulira va hulira va ta manya.

Yohana 6:65

Kandi ya vola, Kigira yaga nda mu volera, Si ha veye nomundu u nyala kuudza ku inze, bugira Dada wange na a ta mu haani.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Vikolwa 16:14

Mukali mulala wa langwa Ludia, mugulidzi we kiforosadi, welidala lya Tuatera, mundu wa sigamira Nyasaye, ya ku hulira: wo Mwami ya kunula mwoyo gwigwe kuhulira vindu vya Paulo ya vola.

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

Varumi 16:25

Kalunu ku uyu u nyala kuluviridza mwinye kuli ivangeli yange kandi kuli lilwadza lyamakuva ga Yesu Kristo, kandi kuli livuulika lyagaviswa ga vikwa makiriri mu tsinyinga tsyemihiga nemihiga,

1 Vakorintho 13:2

Ni mba ni mbeye nobuprofeti, nokumanya gaviswa gosi nelimanya lyosi; kandi ni mba ni mbeye nelisuuvira lyosi, kuduka kusundidza vigulu, navutswa ni nta va nobuyanzi, si mbeye kindu.

1 Vakorintho 15:51

Henzi, mbolera mwinye inkuva i viseywi: Kwinye si ku la gona vosi, navutswa ku la giru nkanywa vosi,

1 Vakorintho 2:14

Mundu wolugano lwo mubiri si ya vugula vindu vya Roho wa Nyasaye: kigira vi veye ubusiru kuye; naye si ya nyala kuvimanya, kigira vi manyekana ku roho.

1 Vakorintho 2:7

Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu.

1 Vakorintho 4:1

Mundu a vole ku kwinye ku veye avatumwa va Kristo, kandi avalindi vagaviswa ga Nyasaye.

1 Vakorintho 4:7

Kigira nibwaha wavukannya ive? Kandi u veye na kindu ki kya wa vula kuhebwa? Navutswa ive nu u va ni wa hebwa wiidzominyira ki kuli wa vula kuhebwa?

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Vafeso 5:32

Agaviswa yaga ga veye manene: navutswa inze mbola amakuva ga Kristo nelivugana.

Vafeso 6:19

kandi inze, nduke kuhebwa livola mu likunula munwa gwange, kuvuula nobuluviriri agaviswa gevangeli,

Vakolosai 2:2

va duke kuleminywa mwoyo gwavo, va hambanywe halala mu buyanzi, kuduka ubutugi bwosi bwobudukiru bwelimanya, va duke kumanya ubuvisi bwa Nyasaye, obu veye Kristo,

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

1 Timoteo 3:9

va ve ava gumira ga viswa gelisuuvira mu mwoyo mulahi.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.