Matayo 12:34 - KITABU KITAKATIFU

³⁴ Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 12:34 ပူးပေါင်းရင်းမြစ်များ

Zaburi 53:1

Musiru a vola mu mwoyo gwigwe, Nyasave si a veye ho. Va mali kwoneka, kandi va koli agokuvihiriridza ligali; Si ha veye na u kolanga ubulahi.

Zaburi 64:3

Ava hyagalanga tsinimi tsyavo kuli kivavi, Na va lasi mibano, nagyo gyi veye amakuva malulu,

Zaburi 64:5

Veguluhidzanga mu inkuva indamano; Va volerana ku livika mitego makiriri; Va vola, Ibwaha a la gyi lola?

Tsing'ano 16:23

Mwoyo gwomugeeri gwegidzanga munwa gwigwe, Nokumeda amegidzo mu minwa gyigye.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 59:14

Likalaga li girunkanywa kutsia inyuma, na bulungi bu singiye ihale; kigira ageligali ga gwiye mu lihasi, na bulungi si bu nyala kwingira.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Matayo 12:35

Mundu mulahi ku vindu vilahi vyomwoyo a twulidza vindu vilahi: kandi mundu mudamano ku vindu vidamano a twulidza vindu vidamano.

Matayo 15:18

Navutswa vindu vi twula mmu nwa vi twula mmwoyo; na yivi vi kola mundu mudamano.

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Luka 3:7

Kunangwa ya volera viduma vya twula ni vadza kuye a va batidze, Mwinye avana venzoka, ibwaha wa mu gerihidza kwiruka ubutima buudzanga?

Luka 6:45

Mundu mulahi ku vindu vyomwoyo gwigwe, a twulidza vindu vilahi; nomundu mudamano, ku vindu vidamano vyomwoyo gwigwe, a twulidza vindu vidamano: kigira ku vindu vya kira mu mwoyo, munwa gwigwe gu vola.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vafeso 4:29

Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa.

Vafeso 5:4

kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Samweli 24:13

Kuli lugano lwa makuva gavandu va kale lu volanga, Mu yavo avadamano ubudamano bu twulanga; navutswa mukono gwange gu la vula kuva ku ive.