Matayo 12:32 - KITABU KITAKATIFU

³² Ku vosi u la vola likuva ku Mwana wa Adamu, a la samefwa; navutswa ku vosi u li nyega Roho Mtakatifu, si a li samefwa mba, mu lirova lya kalunu, kinga mu lirova lidzanga.

Matayo 12:32 ပူးပေါင်းရင်းမြစ်များ

Ayubu 36:13

Navutswa yavo ava vula kutia Nyasaye mu myoyo gyavo va vika akiba yo butima: Si vanira mukonyi lwa a va bohanga.

Matayo 11:19

Mwana wa Adamu yadza na a lagira na a nwa, ni va vola, Henza, muhuvali nohongera kunwa iwaini mulina wavasolola ubushutu navonil Kandi ubugeeri bu hebwa ubulungi nemiyinzi gyabwo.

Matayo 12:31

Kigira yaga mmu volera, Avandu va la samefwa ubwoni bwosi namanyego, navutswa amanyego ga va nyega Roho si va li samefwa mba.

Matayo 12:8

Kigira Mwana wa Adamu a veye Mwami welisabato.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 13:39

na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 13:40

Kuli mavanze ga vungidzwa halala ni ga sambwa mu muliru, ga la va ndiyo mu kiheri kyenyinga yiyi.

Matayo 13:55

Si a li mwana wombadzi? Mama wewe si a langwa Maria? Nuvamwavo veve si va li Yakobo na Yosefa na Simoni na Yuda?

Matayo 8:20

Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

Marko 10:30

navutswa a la nyola kalunu, inyinga yiyi hali mia, tsinyumba, navamwavo, na vabotso, navamama, navana, nemilimi, halala nelidambidzwa; kandi mu inyinga yidza a la nyola liva mwoyo li ta hera.

Marko 3:28

Ligali mmu volera, Avana va vandu va la samefwa ubwoni bwosi namanyego gavo ga va li nyega:

Marko 3:29

navutswa uyu li nyega Roho Mutakatifu si a li nelisamefwa mihiga nemihiga, navutswa a veye nobwoni kuye bu ta hera:

Luka 12:10

Ku vosi u li vola likuva ku Mwana wa Adamu a la samefwa: navutswa u nyega Roho Mutakatifu si a li samefwa mba.

Luka 16:8

Mwami wewe yidzominya mulindi muganga, kigira ya kola nobugeeri: kigira avana avomulirova ku likula lyavo va veye nobugeeri kuvita avana avobulavu.

Luka 18:30

u li vula kuhebwa kalunu hali kanyingi kuvita, kandi mu inyinga yidzanga liva mwoyo li ta hera mba.

Luka 23:34

Kandi Yesu ya vola Dada u va samehe, kigira si va manya ga va kola. Va gavana tsingubo tsitsye ni va kola ikura.

Luka 7:34

Mwana wa Adamu yadza a litsanga na a nwa; na mwinye mu vola, Henza, na muhuvali no hongera kunwa iwaini, nomulina wavasololi vobushutu na voni

Yohana 7:12

Kandi limonya linyingi lya duka mu viduma kuye. Avalala va vola, A veye mundu mulahi; avandi va vola, Auwa, navutswa a gada kiduma.

Yohana 7:39

Navutswa yaga ya vola ku Roho, wa va li nyola, yava ava suuvira kuye: kigira Roho ya li na kikiri kuhaanwa; kigira Yesu ya li na a kikiri kuhebwa ubukumi.

Yohana 7:52

Va tivula ni va mu volera, Ive kandi si u li wa Galilaya? Wenye u lole, si ha veye nomuprofeti u twula Galilaya.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vafeso 1:21

igulu wobunene bwosi, neminwa, netsingulu, nelyameha, kandi wameta gosi aga talangwa, si mu li mu tsinyinga yitsi tsyeng'ine navutswa mu tsinyinga tsidzanga kandi.

1 Timoteo 1:13

kali ni nda li munyegi matsyambiri, nomudambidzi, nomukoli wobudamano: navutswa nda nyola tsimbabasi, kigira nda vi kola ni nta manya mu livula kusuuvira

1 Timoteo 1:15

Likuva yili li veye lyokusuuvirwa ligali, kandi li dukanga ku libugirirwa lyosi, Kristo Yesu yadza mu lirova kuhonnya avoni, ava mbeye kuvo munene;

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

2 Timoteo 4:10

kigira Dema, wa li ndeka, kigira u mali kuyanza vyelirova lya kalunu yili, kandi wa tsia Tesalonike; Keresike wa tsia Galatia, Tito wa tsia Dalamatia.

Tito 2:12

nokwegidza kwinye, kuduka kwinye kwambakane ubudamano nelikayirwa lyevyelirova, ku menye nobugeeri obwere, nobulungi nelitibwa, lya Nyasaye mu inyinga yiyi;

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.