Matayo 12:25 - KITABU KITAKATIFU

²⁵ Ya manya tsiganagani tsyavo na a va volera, Ubwami bwosi bwavukana ubwene, bwoneka; amadala gosi netsinyumba tsyosi tsyavukana tsyene si tsi la singira mba:

Matayo 12:25 ပူးပေါင်းရင်းမြစ်များ

1 Avami 16:21

Inyinga yeyo avandu va Israeli vavukana vidieli viviri: avoluvega lulala va londa Tibini mwana wa Ginathu, va duke kumukola mwami, na voluvega lundi va londa Omri.

Zaburi 139:2

Ive u manya likala lyange na lisingira lyange; Ive u manya tsiganagani tsyange ihale.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Marko 2:8

Nonoho Yesu ya ma nya mu mwoyo gwigwe va ganagana ndi mu myoyo gyavo, ya va volera, Kigira ki mu ganagana ndi mu myoyo gyenyu?

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

1 Vakorintho 2:11

Kigira nibwaha ku vandu u manya vindu vyavandu ni gu ta li roho gwomundu gu veye muye? Kandi ndiyo vindu vya Nyasaye si ha veye no vi manya na a ta li Roho wa Nyasaye.

Vagalatia 5:15

Navutswa ni mu lumana nokulitsana avene navene, mwelinde gase mu la malirana avene navene.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.