Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.
Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.
O bayaye umwayi u ta konya kindu, u lekanga kyayo kivavi ki la va ku mukono gwigwe, noku imoni yeye ye nomukono mulungi: mukono gwigwe gu la va mwumu ligali, nemoni yeye yenomukono mulungi i la va kilive ligali.
Na munene welivugana ya vihirirwa kigira Yesu ya honnya ku lisabato, na a tivula na a volera kiduma, Ga veye amadiku gatanu na lilala agavandu va nyala kukola mu miyinzi: mudze kuhonnywa mu yago, mu tadza ku lidiku lyelisabato.
na a va volera, Mu ndeteye mundu uyu kuli u girunkannya avandu: kandi henza, inze mmali kumwizodza imbiri wenyu, si ndola kindu ku mundu uyu kali kilala ku ga mu mu yalira:
Va tanga kumuyala, ni va vola, Kwa nyola mundu uyu na a girunkannya ihiri yetu, na a vambaka nnya kutunga Kaisari ubushutu, na a vola, mwene a veye Kristo, mwami.
Kunangwa avalala ku Vafarisayo va vola, Mundu uyu si a veye wa twula ku Nyasaye, kigira si a gumira lisabato. Navutswa avandi va vola, Mundu mwoni a nyala ndi kukola vilolekidzu kuli yivi? Ku, lya li lyavukana kuvo.